The Definitive Guide to Living in the Capital , Cairo , Egypt

في وسط الزمالك مكان مليان بالفن وعشاق الفن، والمكان ده هو الجاليري الكبير المميز "المسار جاليري"، المسار جاليري بـ يحتفل دلوقت بعيده السابع، وفيه بـ يقدم معرض للفنان المعاصر محمد عمر خليل، محمد من مواليد سنة 1936 في مدينة بور القريبة من الخرطوم، وعاش في أمريكا لغاية سنة 1967، ومن خلال مجهوده وشغله المستمر وعشقه للفن قدر يعمل معارض في كل أنحاء العالم زي الكويت والأردن والمغرب.

يعتبر معرض "النيل.. نهر من الإبداع المتواصل" هو أول معرض منفرد لمحمد، وقدر يجذب جمهور ضخم من المهتمين بالفن اللي ملأوا الجاليري كله في يوم الافتتاح، أول ما دخلنا فاجئنا عدد المعروضات الكبير من إبداعات محمد المتنوعة واللي قدرت تغطي كل مكان في الجاليري، رغم كده المعرض كان مرتب وكان لطيف وجذاب.

من مذاكرتنا لأسلوبه الفني، أحسن حاجة لوصفه هي أنه قوي وعنيف ومؤثر، وفي نفس الوقت تعتبر سيرة ذاتية في حد ذاتها، أعماله الفنية بـ تناقش قضايا سياسية وده واضح من قصاقيص الجرائد؛ صور لرؤساء وناس مشهورين مع الخامة المصنوع منها العمل الفني. محمد مش بـ يستخدم اللوحات القماش لتأسيس عمله زي أغلب الفنانين، بـ يستخدم بدلها خشب متقطع لقطع كبيرة وده بـ يخلق فكرة التظاهر في الشارع كأنها براويز ولافتات للتعبير عن الرأي.

من أكثر الأيقونات المستخدمة في شغله هي أم كلثوم باعتبارها رمز لمصر الحديثة، المجموعة دي تعتبر تجميع لذكريات محمد عن مصر متضمنة بلده السودان، الرائع في معرض محمد أن أغلب الجمهور يقدر يتفاعل ويفهم المعروض، ودي تعتبر من مميزات الفن الشعبي، الفن الشعبي بـ يستخدم صور رمزية الناس تعرفها ومن هنا بـ يحسوا أنهم جزء من المعرض؛ تخيل الموضوع كأنك بـ تتفرج على ألبوم صور قديم مليان ذكريات بس هنا الموضوع عبارة عن جزء عشناه من التاريخ.

كمان حفل الافتتاح شهد عرض موسيقي رائع على القيثارة مع تقديم أكلات خفيفة وحلويات وعصائر، بجد معرض محمد عمر قنديل رائع وحدث ممتع وفعلاً مصدر فخر للقاهرة كلها.