The Definitive Guide to Living in the Capital , Cairo , Egypt

كافيه «إيثوس – Ethos»
في المعادي دجلة ما بقاش موجود، مكانه تحت الأرض بجانب سوبر ماركت سعودي في شارع
205 اتغير وبقى «زيرا – Zeera»، كافيه ومطعم مبهج، الديكور والمنيو
بتاعه عامل زي منيو «إيثوس».

إدارة «زيرا»
أضافت حاجات جديدة للمكان، زي علامة جديدة للمطعم وألوان برتقالي مع ديكور المطعم
من الأحجار وألوان خشب داكنة. منيو المطعم عادي ومتوسط زي أي كافيه في القاهرة بس
مع طابع مكسيكي وبـ يقدم كل حاجة من أول الأفطار لحد مجموعة متنوعة من المشروبات، أكل
سناكس عادي وأطباق رئيسية.

منيو الأفطار حلو هـ تلاقي فيه كرواسون فريش بـ 10 جنيه،
بان كيك بـ 16 جنيه للثلاث قطع، وفيه أفطار «زيرا» الجامبو: طبق مكون من بيض،
توست، سوسيس، بيف مدخن، بطاطس وكرواسون بـ 33 جنيه، وهو طبق مثالي لـ برانش يوم
الأحد.

مجموعة
السناكس فيها نكهات مختلفة لشوربة بـ 15 جنيه وبـ تبقى حلوة قوي معها العيش بالثوم
والجبنة بـ 4 جنيه. لـ طبق مقبلات حلو جرب مختارات زيرا بـ 45 جنيه، طبق مليان بـ أجنحة
فراخ حارة وأصناف أخرى مليانة بـ سعرات حرارية كثيرة.

لوجبة خفيفة،
جرب تاكو سالاد الكبيرة بـ 33 جنيه مليانة خس، صلصة، ذرة، فلفل، فراخ جبنة شيدر
وصوص السور. فيه كمان مجموعة مختلفة من البيتزا في المنيو وأطباق المكرونة
التقليدية ولائحة كبيرة من أنواع ساندويتشات، بانيني، وبرجر.

«زيرا»
مكان حلو لو عايز تروح وتقعد فيه وتشرب حاجة. ممكن تختار من العصائر الفريش أو
تجرب ميلك شيك أو فرابيه سميك ولذيذ وبـ يبقى مناسب جدًا في الجو الحار، ولو عايز
تحلي جرب قطعة من التشيز كيك بـ 16 جنيه أو حلويات «زيرا» بالشوكولاتة.

لو مصير «زيرا» اختلف عن مصير «إيثوس» أو ما اختلفش، هـ يكون
فتح في المعادي كافيه ومطعم جديد وله شكل كاجول ممكن تروحه وتأكل فيه.