The Definitive Guide to Living in the Capital , Cairo , Egypt

محمد
الصغير يعتبر الأب الروحى لصالونات التجميل فى مصر، وواحد من رواد المهنة فى
المدينة، ومع عدد الفروع المنتشرة فى كل مكان، بقى صعب أنك تبقى متابع. أجدد فروعه
شد انتباهنا موجود بعيد شوية عن المدينة، فى مجتمع قطامية هايتس اللطيف المغلق.

فى
مكان داخل المجمع اللى فيه مجموعة محلات تجارية ثانية، هـ تلاقى الصالون بـ
يرحب بك
بعد ما تطلع مجموعة من السلالم. الانطباع الأول
اللى هـ تحس به أول ما
تشوف الصالون أنه مختلف عن الباقى. الديكورات الغامقة، والخشب الغامق والألوان
المقبضة، كل
ده تبدل بلون أبيض مبهج ناصع مع فنون حديثة. مع خطوط الموضة الحديثة، المكان مزين
بصور لنجوم هوليوود القدام بألوان مبهجة.

علشان
نعمل مانيكير وباديكير جامد على الستايل القديم، دخلنا فى غرفة فى آخر المكان اللى
بـ تُقدم فيها الخدمات دى. لون الغرفة كان أبيض وبـ ينورها الضوء اللى داخل من
الشباك الكبير. علب طلاء الأظافر هـ تخليك محتار ومتردد، لأن
كمية الألوان المتنوعة بـ تخلى الاختيار صعب. مافيش عندهم ماركات محددة، بس هـ تلاقى أنواع مختلفة.

بعد
ما أخدنا النصيحة الضرورية من المسئولة عن المانيكير، اختارنا اللون وقعدنا علشان
نبدأ جلسة التدليل. وزى ما قلنا، محمد الصغير مش جديد على المهنة، فطبيعى أن كل
الأدوات والأجهزة تكون على أعلى مستوى. بدأنا بالتقليد المعتاد أننا نحط أيدينا
ورجلنا فى الماء، ودى بـ يعملوا فيها فرك (خشن شوية) بدقة شديدة. رغم أننا اكتشفنا
أن المسؤولة إيديها ثقيلة شوية، لكن جودة شغلها عوض كل التعب.

نروح على المانيكير، هى كانت مركزة أنها توصل لشكل الظفر
المطلوب بالضبط. واقترحت علينا أن مافيش داعى أننا نشيل جزء كبير حول الظافر،
وكفاية نشيل الزيادات البسيطة من الأطراف، وإحنا بدورنا قدرنا رأيها أن مافيش داعى
تشيل الجلد إلا لو مضطرين.

بعد
وضع الطلاء بمهارة، ومراعاة أن ما يكونش فيه فقاعات باقية أو طبقة طلاء عشوائية،
نقلنا على تضبيط الحواجب. معظم الفنيين فى القاهرة بـ يشيلوا جزء كبير منها مهما
أكدت عليهم أنهم ما يعملوش كده، علشان كده دائمًا فيه خطر أنك تقعد على الكرسى
وتقع تحت رحمتهم. رغم كده اتبسطنا لما خرجنا بحواجبنا سليمة من غير أى كوارث، وإلى
حد كبير شكلها كويس مع حجم مضبوط.

فرع محمد الصغير فى القطامية تجربة مختلفة خالص عن باقى
الفروع، الديكورات الجامدة والمكان الواسع الفاضى مختلف خالص عن مثيله فى الزمالك على سبيل المثال، ويمكن هو ده سبب إعجابنا به، مكان هادئ، نظيف وكفء، علشان
كده أكيد هـ نروح
ثانى.