The Definitive Guide to Living in the Capital , Cairo , Egypt

مصر بتحتضن مباني تاريخية مبهرة، لكن الماضي مش هو كل شيء في بلدنا، عندنا كمان مباني حديثة رائعة، بتنافس المباني القديمة في جمالها، وبتثبت أن المصريين عندهم حاضر عظيم. ومسجد مصر، أو مركز مصر الثقافي الإسلامي بالعاصمة الإدارية الجديدة، اللي بيُعد المسجد الأكبر في مصر والثالث في العالم من حيث الضخامة بعد الحرمين الشريفين، نموذج رائع لحاضر العمارة المصرية.

تعالوا نتعرف أكثر على مسجد مصر، أو مركز مصر الثقافي الإسلامي بالعاصمة الإدارية الجديدة.

مسجد مصر مبني على مساحة 476 ألف م2 وبيسع لـ137 ألف مُصلي، والممر الرئيسي مساحته 2050م2. المسجد له مئذنتان، كل مئذنة على ارتفاع 148م، بالإضافة إلى القبة اللي ببتعد من أكبر 10 قباب في العالم. بيضم المسجد 3 مداخل ولكل مدخل 3 أبواب مصنوعة يدويًا من الخشب بحشو نحاس.

بيتوسط سقف المسجد أرقى صور العمارة الإسلامية “النجفة الكبرى” وقطرها 22 متر وبارتفاع 22م.

وكل الحوائط من الرخام الطبيعي بزخارف إسلامية، وعلى قبب المسجد تم نقش أسماء الله الحسنى بأجود أنواع الزينة المُطعمة بالدهب، والأسقف الخشبية مصنوعة من خشب الأرو وعليها زخارف من كل العصور الإسلامية اللي بيزينها النجف المصنوع من النحاس المطلي بالدهب.

بيضم المسجد كمان “مبنى السبيل”، وبيحتوي على 24 صنبور من الماء البارد لخدمة زوار المسجد، ده غير 4 قاعات للمناسبات والأعياد بخدماتها بتسع مئات الأفراد منها قاعة لكبار الزوار، وكمان فيه مركز تجاري ومحلات تجارية على مساحة 8872 م2 لخدمة العُباد والزوار وطلبة العلم من كل مكان في العالم.

وبيحتضن المسجد منبر الإمام، اللي بيُعد من أكبر المنابر الخشبية في العالم، المصنوع يدويًا من أفضل أنواع الخشب برائحة عطرية قوية طبيعية، وبيتكون من 40 درجة، ده غير دار القرآن اللي بتتكون من 30 غرفة لـ30 جزء من القرآن، كل غرفة منحوت عليها جزء كامل من القرآن بأيادي مصرية بخط وتشكيل واضح لقراءة وحفظ القرآن من على الجدران.

المسجد بيضم كمان “المصحف الشريف العثماني” وهو أثمن ما أهدي إلى دار القرآن وبيزن 80 كجم وبيشتمل على 1087 صفحة مكتوب بالخط الكوفي القديم غير منقوط وغير مُشكل وغير مُقسم إلى أحزاب وأرباع.

جدير بالذكر أن مشروع مسجد مصر حصل على جائزة الاستحقاق فئة مشروعات الثقافة والعبادة في مسابقة التحكيم العالمية لمجلة ENR الأمريكية لسنة 2022.