كل اللي محتاج تعرفه عن معرض “أفندينا” في قصر محمد علي
المنيل صور محمد علي صور نادرة قصر محمد علي معارض القاهرة معرض أفندينا
Cairo 360
الصورة: معتز هشام
لو كنت من عشاق التاريخ وبتحب الصور النادرة يبقى لازم تروح بسرعة على قصر محمد علي في المنيل.. هناك هتلاقي مفاجأة كبيرة في انتظارك.. إيه هي؟ هنقولك في السطور الجاية.
النهارده الثلاثاء هيتم افتتاح معرض للصور الفوتوغرافية النادرة تحت عنوان “أفندينا”، في متحف قصر محمد علي، بالمنيل، واللي بينظمة المتحف بالتعاون مع جمعية أصدقاء متحف المنيل بمناسبة يوم التراث العالمي.
وبحسب تصريح لولاءالدين بدوي مدير عام متحف قصر المنيل، فالمعرض هيقام في القاعة الكبيرة للمتحف، وهيستمر لمدة ثلاثة شهور وبالتحديد لحد يوم 16 يوليو 2019.
إيه أهمية المعرض ده؟ شوف يا سيدي.. المعرض بيضم مجموعة من الصور الفوتوغرافية من التراث الأرشيفي للقصر، واللي بتعرض لأول مرة، وبتتناول الصور دي حياة محمد علي، وهواياته، ورحلاته طوال حياته، ومهامه الرسمية، بالإضافة لمجموعة متميزة من الصور اللي بتصور جوانب من حياته الاجتماعية والخاصة واللي كلها بتعرض لأول مرة.
ومعروف إن محمد علي كان محب للحفاظ على تراث أجداده، وقدر يجمع كل ما يتعلق بالتراث علشان يخلده للأجيال الجاية.
مقترح
أفلام
لسهرة هالوين ماتتنسيش.. 10 أعمال أجنبية وعربية مرعبة
افلام افلام تشوفها في الهالوين +6
الحياة في كايرو
