The Definitive Guide to Living in the Capital , Cairo , Egypt

مصدر الصورة من هنا

وزارة الشباب والرياضة أعلنت رسميًا عن انطلاق قطار الشباب إلى الأقصر وأسوان لشتاء 2019/2020، واللي هيكون أول رحلة له يوم الجمعة الجاي 27 سبتمبر، وفي السطور الجاية هنقول لكم على كل التفاصيل اللي تقدروا من خلالها تحجزوا في رحلاته المدعمة.

وزارة الشباب والرياضة أكدت ان الحجز هيقتصر على الموقع الالكتروني من هنا، والدفع هيكون في مديريات الشباب والرياضة، والفوج الأول هينطلق الساعة 8 مساء يوم الجمعة  27 سبتمبر من محطة رمسيس والعودة هتكون 8 مساءً من محطة أسوان.

وعلشان تشتركوا في رحلات قطار الشباب لازم يكون السن ما بين 18 حتى 35 سنة، وممنوه اصطحاب الأطفال، ومتكونوش اشتركتم السنة اللي فاتت أو اللي قبلها في الرحلات.

والرحلات مدعمة من وزارة الشباب، وسعرها 600 جنيه للفرد، شاملة تكاليف الإعاشة والانتقالات وزيارة الأماكن والمزارات السياحية، زي “وادي الملوك، جزيرة الموز، معبد حتشبسوت، متحف الأقصر، معابد هابو، معبد الكرنك، معبد الأقصر”، في محافظة الأقصر و”السد العالي، متحف النيل، متحف النوبة، الحديقة النباتية، القرية النوبية، معبد فيلة” في أسوان.

للاشتراك اضغطوا هنا.