The Definitive Guide to Living in the Capital , Cairo , Egypt

يمنى أحمد

القاهرة مليانة تحف معمارية كتيرة، بس من وسط التحف دي هنركز مع المساجد اللي ليها مآذن معمولة بإبداع. في السطور الجاية حبينا نوريكم جمال وعظمة المآذن دي وإزاي إنك لما تشوفها هتحس بكمية راحة نفسية وإلهام.

تعالوا نتعرف على5 مآذن اتنفذوا بحب وإبداع.

 مئذنة مسجد أحمد بن طولون:

المئذنة مش بس تحفة معمارية فنية، لكن هيا أقدم مئذنة موجودة في مصر بعد مئذنة جامع عمرو بن العاص، كمان مبنية على الطراز العراقي، أنشأها السلطان لاجين المنصوري في عهد أحمد بن طولون، وبيبلغ ارتفاعها حوالي 40 متر.

مئذنة مسجد الحاكم بأمر الله:

موجود في شارع المعز وهيا مئذنة أسطوانية الشكل فيها كتير من الزخارف والنقوش بالخط الكوفي. مبنية من الحجر وبيدور حواليها قاعدة مربعة ضخمة كأنها هرم.

مئذنة مسجد الأقمر:

من أميز المآذن في القاهرة الإسلامية، مبنية من الطوب الأبيض الذي يعكس ضوء القمر، مليانة نقوش وزخارف إسلامية كتيرة، ومكتوب عليها بالخط الكوفي، وبيرجع وجودها للعصر الفاطمي.

مئذنة الجامع الأزهر:

وهو له عدة مآذن، ولكن أشهرها المئذنة ذات الرأسين، تتميز بالعمارة الإسلامية الرشيقة، وتعد من طراز العمارة المملوكية الفريد.

مئذنة مسجد محمد علي:

هي أعلى مئذنة في مصر، يبلغ طولها  84 متر، وبتتميز بقمتها المدببة، وبترجع للعهد العثماني.