The Definitive Guide to Living in the Capital , Cairo , Egypt

لو نفسك في خروجة مختلفة ومليانة جمال ومش هتكلفك ولا مليم، يبقى لازم تزور كوبري المانسترلي الموجود في منيل الروضة. الكوبري ده تحفة معمارية نادرة، مصمم بالكامل من الخشب، ورغم كده أقوى من كباري كتير مصنوعة من الحديد!

وأنت ماشي عليه، هتحس إنك بتتمشى بين سطور التاريخ، والزخارف اللي عليه بتحكي حكايات من زمن جميل. كمان وأنت فوقه، هتستمتع بمنظر نيل القاهرة الخلاب، خصوصًا وقت الغروب.. مشهد ولا في الخيال!

كوبري المانسترلي بيقع بين متحف أم كلثوم ومقياس النيل في قلب منيل الروضة. فوق أعمدته فيه قبة خشبية مميزة، بتخليه يلمع بجمال ورونق مختلف عن أي كوبري تاني.

اللي صممه مهندس عبقري من أوزبكستان اسمه أحمد الفرغاني، واللي بالمناسبة، ليه تمثال جميل جنبه، تخليديًا للي عمله من إنجازات وقتها، منها كمان مقياس النيل اللي لسه موجود لحد النهارده.

الكوبري اتسمى “المانسترلي” عشان بيقع جنب قصر حسن فؤاد المانسترلي باشا، القصر التاريخي الضخم اللي موجود على جزيرة الروضة، واللي هو كمان تحفة معمارية مميزة.

الكوبرى حصل له تطوير وتجديد علشان يستعد لاستقبال موكب نقل المومياوات الملكية، واللي أضاف للكوبري قيمة جديدة، خصوصًا مع الإضاءة الساحرة اللي بقت تزينه بالليل.

يعني ببساطة، خروجة على كوبري المانسترلي مش بس هتشوف فيها الجمال، لأ دي كمان رحلة سريعة عبر الزمن، ومكان هتحب تصوره وتحكي عنه، وكل ده مجانًا ومن غير ما تدفع جنيه واحد!