معالم وسياحة
اكتشاف أكتر من 20 تابوت ملون في الأقصر (صور)
اكتشاف أثري الأقصر البر الغربي توابيت جبانة العساسيف وزارة الآثار المصرية
بواسطة
Omar Abd-elmaqsoud
في واحدة من أضخم وأهم الاكتشافات اللي تم الإعلان عنها خلال السنين اللي فاتت، كشفت البعثة الأثرية التابعة لوزارة الآثار المصرية عن مخبأ ضخم ضم عدد كبير من التوابيت الخشبية الفرعونية المغلقة وملونة بشكل فني جميل.
الاكتشاف ضم أكثر من 20 تابوت خشبي مختوم موجودين في “جبانة العساسيف” وهي مقبرة قديمة على الضفة الغربية لنهر النيل في الأقصر، وكانت المنطقة دي جزء من مدينة طيبة القديمة.
الـ 20 تابوت حالتهم ممتازة سواء من ناحية الحفظ أو الألوان، ولسة مقفولين بحالتهم، والنقوش الموجودة على الأسطح كاملة وظاهرة، وتم العثور على التوابيت على الوضع اللي سابها عليه المصريين القدماء، في مستويين واحد فوق التاني.