The Definitive Guide to Living in the Capital , Cairo , Egypt

القاهرة مديمة مدهشة، وحتى أسامي المساجد ليها حكايات طويلة وراها. من أسامي ممكن تبدو غريبة، لقصص تاريخية مليانة تفاصيل وإنسانية، هتاخدك الجولة دي لجانب مختلف من مساجد القاهرة، وتفهم إزاي الاسم ساعات بيكون مفتاح حكاية كاملة.

الجامع الأقمر

الجامع الأقمر في القاهرة الفاطمية من أشهر المساجد هناك. اتبنى سنة 519 هجريًا بأمر من الخليفة الآمر بأحكام الله، والمكان كان دير سابق اسمه “بئر العظمة” لأنه كان فيه عظام بعض شهداء الأقباط. اسمه “الأقمر” جاي من لونه الأبيض اللي شبه لون القمر. والمساجد الفاطمية زمان كانت بتتسمى بنفس الطريقة زي “المسجد الأنور” و”المسجد الأزهر”.

مسجد صرغتمش

مسجد صرغتمش، في حي السيدة زينب، كان له دور كبير في نشر العلم في العصور المملوكية. بناه الأمير سيف الدين صرغتمش من مماليك السلطان الناصر محمد بن قلاوون في سنة 757 هجريًا. كان المسجد ده معقل للعلماء والفقهاء، والمكان كان مليان بالعلم والحديث عن المذهب الحنفي. اسم “صرغتمش” جاء من اسم الأمير اللي بنى المسجد، لكن أهل الحي كانوا بيسمّوه “مسجد الصليبة” لأن الشارع اللي فيه المسجد كان بنفس الاسم.

مسجد الاستادار

مسجد الاستادار في حي الجمالية، بالتحديد في شارع التمبكشية، بيحكي حكاية تانية. اتبنى في سنة 797 هجريًا بواسطة الأمير جمال الدين محمود الاستادار في عهد السلطان فرج بن برقوق. المكان ده ليه كذا اسم، لكن الاسم المشهور بين الناس في الحي كان “مسجد التمبكشية” نسبة للشارع اللي فيه. في بعض الناس كانو بيسمّوه “مسجد الكردي” أو “المدرسة المحمودية”، وده اللي بيعكس التاريخ المتنوع واللي مليان تسميات مختلفة حسب الحي وأهاليه.