The Definitive Guide to Living in the Capital , Cairo , Egypt

لما بنفكر في زيارة متحف، أول حاجة بتيجي في بالنا غالبًا التاريخ أو الآثار أو اللوحات الفنية. لكن الحقيقة إن بعض المتاحف المصرية عندها قدرة خاصة إنها تلهم الزوار، خصوصًا البنات. مش بس بسبب جمال المقتنيات أو روعة التصميمات، لكن كمان بسبب الحكايات الإنسانية والنسائية اللي ورا الأماكن دي.

من مجوهرات ملكية تخطف الأنظار، لقصور بتحكي قصص نساء قويات، ولمقتنيات أيقونات صنعت تاريخ الفن والثقافة في مصر، فيه متاحف ممكن تتحول من مجرد زيارة لطيفة لتجربة مليانة إلهام وأفكار وجمال.

في السطور الجاية هنعرفكم على 5 متاحف مصرية بنشوف إنها من أكتر الأماكن الثقافية الملهمة للبنات في مصر، سواء كنتم من عشاق الفن، أو التصميم، أو التاريخ، أو حتى مجرد بتدوروا على خروجة مختلفة ومميزة.

متحف المجوهرات الملكية

ومين في البنات مابيحبش المجوهرات والحلي؟ وده موجود في متحف المجوهرات الملكية بالإسكندرية، واللي بيضم أهم المقتنيات الملكية بتصميماتها الفريدة وجودة تصنيعها وجمالها، والمكان ده هيكون ملهم للبنات في تصميمات الحلي والتعرف على أنواع المعادن المصنوعة منها.

العنوان: 27 أحمد يحيى – سان ستفانو – الإسكندرية.

متحف محمد محمود خليل وحرمه

المتحف بيعود للفنان محمد محمود خليل، واللي أهداه لحرمه وأوصاها بعد وفاته أنها تديه للحكومة لعمل المتحف، ومن المعروف أن قصة حب الفنان محمود خليل وحرمه من القصص الملهمة واللي تشاركوا في كل حاجة مع بعض، وجمعوا التحف والأنتيكات اللي موجودة في المتحف سوا.

العنوان: 1 شارع كارفور من شارل ديجول – بجوار مجلس الدولة – الدقي.

متحف محمد علي

بيطلق عليه متحف قصر المنيل، وهو مبهر بألوانه وديكوراته وتصميماته اللي هتلهم أي بنت خاصة لو بتجهز بيت جديد، وجوا المتحف فيه قاعات مميزة أشهرها قاعة العرش اللي تم تصميمها باحترافية عالية هتخليكم تنبهروا منها ومن طريقة العرض الصور الملكية.

العنوان: 1 شارع سرايا المنيل – مصر القديمة.

عائشة فهمي

هو قصر كامل وكل حته فيه بتحكي حكاية، والمتحف ده رمز للنضال وقوة المرأة، لأن عائشة فهمي ورثته مع اخواتها القصر وصممت تشتريه منهم علشان يكون ملك ليها، وهي زوجة الفنان الراحل يوسف وهبي، وهو تصميم إيطالي، والغرف فيها لوحات حرير وكتان، وزخارف أوروبية على الحوائط، وكان من المفترض أنه يكون هو متحف المجوهرات الملكية ولكن تم تغيير المكان ونقله للإسكندرية.

العنوان: 1 شارع عزيز أباظة – محمد مظهر – الزمالك.

أم كلثوم

كوكب الشرق بالتأكيد أي حاجة من ناحيتها هتكون ملهمة للبنات، والمتحف بيضم مقتنياتها اللي كانت أيقونة لكل حاجة بتعملها زي المنديل والنضارة، وده غير المكتبية السمعية والبصرية والنوتات الموسيقية وغيرها، والأكيد في المتحف أن البنات هتعتبره أحسن إلهام لها بأجمل أغاني الحب.

العنوان: 1 شارع الملك الصالح – داخل قصر المنسترلي – منيل الروضة – مصر القديمة.