The Definitive Guide to Living in the Capital , Cairo , Egypt

تاريخ مصر مليان بالأحداث المهمة والمثيرة. ودايما القراءة في كتب التاريخ بتفتح عقولنا على أحداث ومراحل مهمة في بلدنا. الأجمل بقى لما يكون في متحف بياخدك في رحلة للتاريخ ده، وتقدر تشوف بعنيك أهم معالم كل فترة من الفترات المختلفة. علشان كده لازم تزور المتاحف دي:

1- متحف الشمع في حلوان

المتحف بيضم تماثيل شمعية بتحاكي مشاهد تاريخية مشهورة. يعني تقدر تشوف لوحة تعبيرية لانتشال صندوق النبي موسى، نهر النيل وعرش آسيا، أسر “لويس التاسع”.

في المتحف 116 تمثال، و26 لوحة تحاكي التاريخ المصري. من الأسر الفرعونية والحضارات اليونانية والقبطية والإسلامية وغيرها.

2- متحف أم كلثوم

لما تدخل متحف أم كلثوم هتحس بالشجن والحنين وللماضي. تصميمه مميز علشان يقدر يأثر في أي زائر. في المدخل هتلمح منديلها الأحمر، اللي مسكته في معظم حفلاتها. وكمان نضارتها السوداء، وفساتينها الأنيقة. ده غير صورها المختلفة، والأوسمة والنياشين اللي حصلت عليها.

3- متحف موسيقار الأجيال عبد الوهاب

موجود في معهد الموسيقى العربية. مقسوم لحجرتين موجود فيهم كل متعلقاته الشخصية. هتلاقي جزء من مكتبه الصغير. بعض أجهزة التسجيل والاستماع الخاصة به. الكرسي الهزاز اللي كان بيقعد عليه، واتوفى عليه. صوره مع شخصيات معروفة في المجتمع.

4- متحف قصر محمد علي

 يعتبر تحفة معمارية قيمة. ولسه محتفظ بطراز العمارة المغاربية. القصر فيه سراي الاستقبال، برج الساعة، السبيل، المسجد، سراي العرش، المتحف الخاص، والقاعة الذهبية. وكمان بيضم عدد من القاعات اللي بتعرض مجموعات نادرة من المخطوطات والمصاحف، ولوحات فنية مختلفة.

5- كرمة بن هانيء

لو عايز تهرب من صخب ودوشة القاهرة، وتروح مكان تحس فيه بالهدوء والراحة النفسية. يبقى لازم تزور متحف الشاعر الكبير أحمد شوقي، المعروف باسم “كرمة بن هانيء”. واللي بيطل على النيل في موقع قريب من أهرمات الجيزة. أحمد شوقي بنى البيت بعد ما رجع من المنفى. وبعد وفاته اتحول لمتحف، بيضم كل مقتنياته وكتبه.

6- متحف مصطفى كامل

المتحف بيضم مقتنيات الزعيم الرحال في صالتين عرض. فيهم كتب خاصة به وبوالده، خطاباته، ملابسه، النياشين اللي حصل عليها. وكمان في لوحات زيتية ثمينة بتصور لمحات من التاريخ المصري، زي حادثة ضرب الإسكندرية، أو حادثة دنشواي.