The Definitive Guide to Living in the Capital , Cairo , Egypt

كل يوم بـ نشوف حاجات جديدة فى القاهرة، وواضح أن السوشى هـ نفضل نشوفه كثير، مع وصوله لمعظم المطاعم الآسيوية، نقدر نقول أن عشق أهل القاهرة للسوشى مالوش حدود.

على شارع 9 فى المعادى، “مورى سوشى – Mori Sushi” يعتبر من أشهر مطاعم السوشى فى القاهرة. فى فروعه الثانية مورى بـ يقدم منيو للسوشى ومنيو للمشويات، لكن الموجود فى فرع المعادى هو منيو للسوشى فقط.

مورى قدر يكوّن مكانة مميزة لتقديمه سوشى طازج ولذيذ، وإحنا بدورنا قررنا نختبر صحة الموضوع ده مع مرور الوقت.

شكل المكان بألوان من الأسود، والأبيض والبرتقالى هـ تصدمك أول ما تدخل من الباب، ووقتها هـ يرحب بك الجرسون على الباب، يوصلك لمكانك وكمان يساعدك على تصفح المنيو.

تشكيلة مورى من السوشى متنوعة بشكل كبير، فلازم تتفرج كويس على المنيو قبل ما تطلب. طلبنا ثلاثة أنواع من السوشى، Uramaki -المعروف كمان بالسوشى المقلوب- وهوت رولز –السوشى المقلى الغنى بالحشو- و Oishiiأو Oshi السوشى مربع الشكل.

طلبنا من بين Uramaki كاليمارى رول (4 قطع/ 40 جنيه)، كريسبى شريمب وأفوكادو رول (8 قطع/ 72 جنيه)،Hanami Roll (4 قطع/ 46 جنيه) و Togarash Roll(4 قطع/ 37 جنيه).

من بين الهوت رولز طلبنا ديناميت سلامون (8 قطع/ 77 جنيه)، سبايسى ليمون (6 قطع/ 82 جنيه) ونيو هوت رول (6 قطع/ 54 جنيه). طلبنا كمان شريمب تمبورا (3 قطع/ 36 جنيه) من تشكيلة Oishii سوشى.

شكل وطريقة تقديم الأكل كانوا روعة؛ السوشى متعدد الألوان مرصوص فوق أطباق خزف بيضاء أو سوداء فى وقت بسيط.

بدأنا بالسوشى البارد، الكريسبى شريمب والأفوكادو مافيهوش كلام واتعمل بشكل ممتاز، أما رول Hanami وTogarash، اللى فيهم سلامون، وأفوكادو، وجمبرى وكريمة الجبن أو المايونيز، طعمهم كان طازج ولذيذ، لكن فى نفس الوقت الكاليمارى رول ما كانش على المستوى، وطعمه ضعيف بالمقارنة مع باقى الأكل. الشريمب تمبورا منOishii ، عليه كريمة الجبن، ثوم وصلصة شطة كان مزيج مميز من النكهات، لكن طعمه غريب شوية.

من بين الهوت رول، السبايسى ليمون –واحد من أشهر أنواع السوشى عند مورى– كان فعلاً روعة، أما الديناميت سلامون كان لذيذ، كون الرول كله كان مقلى وبالتالى السلامون كان مِستوى كويس، أما النيو هوت رول –عليه صوص ترياكى– كان أكثر واحد مليان حشو.

تجربة ممتعة عند مورى سوشى ممكن تكلفك زيادة شوية بالمقارنة مع باقى المطاعم، لكن يعوضها الخدمة السريعة، الجو الراقى المريح والأكل اللذيذ.