لو كنت في الشارع وقت الإفطار.. 5 مطاعم هتشبعك من غير ما تدفع كتير!
أكل بسعر مناسب أماكن فطار فطار بره البيت فطار رمضان فطار سريع مطاعم اقتصادية مطاعم رمضان
Cairo 360
رنا شرف
رمضان شهر البركة واللمة الحلوة، لكن ساعات الشغل أو المشاوير بتخلينا نضطر نفطر بره. لو لقيت نفسك في الشارع وقت الفطار، جبنالك 5 أماكن هتلاقي فيها أكل مشبع وسعره مناسب.
القزاز
من أقدم وأشهر المطاعم السريعة في وسط البلد، بيقدم سندوتشات بانيه، وحواوشي، وفول وطعمية، وكمان عنده أكلات شرقية زي الطواجن والعكاوي والشاورما. أسعاره معقولة جدًا وهتلاقي اختيارات كتير تناسبك.
اعرف تفاصيل أكثر عن المكان من هنا.
رأفت
مطعم مشهور في مصر الجديدة، معروف بسندوتشاته المميزة زي الكبدة والشاورما. محافظ على جودته من سنين وأسعاره مناسبة لأي ميزانية.
اعرف تفاصيل أكثر عن المكان من هنا.
نص دستة
مطعم جديد نسبيًا لكنه قدر يثبت نفسه بسرعة، بيقدم كل أنواع السندوتشات ودايمًا عنده عروض حلوة. عنده فروع في التجمع والدقي وروكسي، فهتلاقيه قريب منك بسهولة.
اعرف تفاصيل أكثر عن المكان من هنا.
بسطاويسي
لو بتحب المكرونات، ده مكانك! بيعمل مكرونات بأنواعها المختلفة، وكمان عنده سندوتشات زي البرجر والهوت دوج والبانيه. أسعاره مناسبة وأشهر فروعه في المهندسين.
اعرف تفاصيل أكثر عن المكان من هنا.
أربياتا
من المطاعم المشهورة اللي مش محتاجة تعريف، بيقدم فول وطعمية بجانب أكلات شرقية زي الكفتة والكبدة، وعنده فروع كتير في أماكن مختلفة.
اعرف تفاصيل أكثر عن المكان من هنا.
مقترح
الحياة في كايرو
وحدات المرور المتنقلة: جدد رخصتك واستفد بـ 4 خدمات تانية بسهولة!
الفحص الفني المرور المتنقل +6
تليفزيون
