The Definitive Guide to Living in the Capital , Cairo , Egypt

أكل الحلو من أمتع الحاجات اللي ممكن تتعمل وسط ضغط الشغل والحياة، ومتعة أكل الأرز باللبن لما يكون معمول بمزاج ماتتوصفش، يمكن علشان هو مرتبط وبيرمز دايمًا للمحبة والسعادة والخير، علشان كده في السطور الجاية، هنعرفكم على 5 محلات أرز باللبن في القاهرة، الفرق بينهم وبين غيرهم إنهم بيعملوه مظبوط وبطعم مش هتقاوموه.

المالكي

اسم قديم له تاريخه، ومهما اختلفت منتجاته يفضل طبق الأرز باللبن بتاعهم مميز بجودته وحلاوة طعمه هو الأصل، وله فروع في كل مكان.

العنوان: 16 شارع عبد الخالق ثروت – تقاطع طلعت حرب – وسط البلد.

رقم التليفون: 19017

صفحة الفيسبوك من هنا.

المدينة المنورة

الألبان عندهم بتدخل طبيعية في كل المنتجات، وبيصنعوا الأرز باللبن العادي والفرن، وطعمهم مميز ومش بيزودوا فيه أو يخرجوه من توبه، هو أرز بلبن عادي جدًا بدون أي إضافات وبحجم واحد للناس الكلاسيكية.

العنوان: 1/7 شارع اللاسلكى، تقاطع شارع النصر، المعادى الجديدة.

رقم التليفون: 01065527805 – 0225169311

صفحة الفيسبوك من هنا.

أبو أحمد

رغم أن شهرته أنه بتاع كسكسي لكن بيعمل أرز باللبن عادي وفرن بالطريقة العادية بطعم عظيم وطبيعي 100%، وتقدروا تضيفوا عليه المكسرات كاختيار ثانوي.

العنوان: ميدان عمرو بن العاص – أمام بوابة المسجد – مصر القديمة.

المنيل: ميدان الباشا – المنيل.

رقم التليفون: 01000562055

صفحة الفيسبوك من هنا.

حلواني صابر

خلينا نقول الحلو يعني صابر وصابر هو الحلو، وبيعملوا الأرز باللبن زي ما قال الكتاب، هتستطعموه وهتحبوه وهترجعوا تطلبوه تاني.

العنوان: ميدان لبنان – المهندسين.

4 شارع عباس العقاد – مدينة نصر.

رقم التليفون: 0233044138 – 0222639738

صفحة الفيسبوك من هنا.

سارة البطة

لو عاوزين أرز باللبن بيجمع ما بين الجودة العالمية وبالسعر المحلي، فمحلات سارة البطة الـ13 بتوفرلكم أحسن أرز باللبن تاكلوه وتخليكم تشجعوا المنتج المحلي.

العنوان: مول المعز – بجوار الجامعة الكندية – الشيخ زايد

برج 6 – المحور المركزي – أبراج المدينة المنورة – بجوار مسجد الحصري

رقم التليفوم: 01125555616 – 01100523242

صفحة الفيسبوك من هنا.