كل سنة وكل أم بخير.. 5 مطاعم مبهجة لخروجة حلوة مع ست الحبايب
خروجة عيد الأم 2021 عيد الأم 2021 مطاعم وكافيهات هدية عيد الأم
Mohamed Talaat
من أهم الحاجات اللي ممكن تفرح والدتك هي الخروجة الحلوة، مهما كانت فين، المهم اللمة مع أولادها في جو مميز، وكل أم ليها شخصية مميزة هتخليكم تقدروا تعرفوا المكان الأنسب اللي هتكون مبسوطة فيه يوم عيدها.. وعلشان خروجة عيد الأم مهمة، هنقولكم في السطور الجاية على 5 مطاعم مبهجة تقدروا تخرجوا فيهم ست الحبايب في يوم عيدها.
Fish &chips أسماك الشامي
من أجمل المطاعم في منطقة وسط البلد، وهو بيقدم أجود أنواع الأسماك، وأسعاره بتبدأ من 30 جنيه للوجبة، ورافعين شعار لو ماكلتوش اتصوروا أجمل صور تعيش معاكم للأبد، وهو مشهور ببلكونته اللي مليانة ورد.
العنوان: ٣٧ شارع البستان – باب اللوق – بجوار محطة مترو محمد نجيب – أمام موبايل شوب.
رقم التليفون: 01150715825
وتقدروا تعرفوا أكتر عنهم من خلال صفحة الفيسبوك من هنا.
Tree Lounge
لو عاوزين مطعم رومانسي ومميز وشاعري وفيه مزيكا وعزف ساكس مختلفين، فإحنا بنرشح لكم Tree Lounge المعادي، واللي بيقدم جو أسري جميل لكل الناس، ومهما كانت مناسبتكم اللي رايحين علشانها هتلقاهم مجهزين لها كويس.
العنوان: 21 شارع 6 المعادي.
رقم التليفون: 01062557854
وتقدروا تعرفوا أكتر عنهم من خلال صفحة الفيسبوك من هنا.
Bellaila
لو حابين جو النيل والفيو الجميل، فامفيش أحلى من مطعم وكافيه Bellaila في الدقي علشان تقعدوا وتستمتعوا بأكل حلو أنتم وست الحبايب، لكن ماتنسوش أن فيه حد أدنى للطلبات 150 جنيه.
العنوان: 101 شارع النيل – بجوار كوبري الجلاء.
رقم التليفون: 01066114444
وتقدروا تعرفوا أكتر عنهم من خلال صفحة الفيسبوك من هنا.
Paul
من أجمل المطاعم اللي ممكن تخرجوا فيها ست الحبايب مع جودة في الأكل وخدمة مميزة وموسيقى هادية وجو عائلي ورومانسي مبهج يوم عيد الأم.
العنوان: سيتي ستارز ، شارع عمر بن الخطاب ، المرحلة 1 ، الدور 2 – مدينة نصر.
رقم التليفون: 0224802911
وتقدروا تعرفوا أكتر عنهم من خلال صفحة الفيسبوك من هنا.
Très Bon
يعتبر Très Bon من أهم المطاعم اللي ممكن تستمتعوا فيها في مصر الجديدة مع ست الحبايب، وهو من المطاعم الهادية واللي تقدروا تفصلوا فيها وتعيشوا جو جميل مع والدتكم في عيد الأم، وأسعاره مش غالية وعندهم أكلات بأقل من 100 جنيه.
العنوان: 14 شارع غرناطة، الكوربة – مصر الجديدة.
رقم التليفون: 0224517656
وتقدروا تعرفوا أكتر عنهم من خلال صفحة الفيسبوك من هنا.
