شهقة فابتسامة فمزاج.. 5 مطاعم بتعمل أجمد طاجن ملوخية
أفضل طواجن ملوخية في القاهرة طاجن ملوخية مطاعم أكل مصري مطاعم بتقدم طاجن ملوخية
Cairo 360
رنا شرف
الملوخية أكلة عظيمة في نفسها، تنفع تتقدم في كل فصول السنة، وبتكون أكلة متكاملة وعظيمة جنب شوية أرز وحتة فرخة، وممكن تتاكل بعيش أو حتى تتشرب بالملعقة وكأنها طبق شوربة! من الآخر أكلة بتحتوي جوعك، ويمكن علشان كدة هي معشوقة المصريين والعرب.
اتعرفوا معانا على أجمد 5 مطاعم في القاهرة بتقدم طاجن ملوخية مايتنسيش.
قصر الكبابجي
من المطاعم المشهورة اللي بتعمل ملوخية جميلة، والمطعم بقي مشهور بالملوخية اللي بتنزلك ترابيزتك مع شو مبهر مع الطبلة! الطعم جميل ودة بشهادة كل اللي بيدوقها هناك. سعر طاجن الملوخية السادة 52 جنيه، وباللحمة 108، وبالكوارع 165 جنيه.
قصر الكبابجي له فروع كتير منهم فرع الشيخ زايد.
فرحات
من أشهر المطاعم اللي بتعمل أكلات مصرية زي الحمام، لكن عندهم كمان طاجن ملوخية مالهوش حل جنب الحمام، طاجن الملوخية هناك سعره 40 جنيه لو سادة، وباللحمة 95 جنيه.
فرحات موجود في المهندسين وفي منطقة الحسين.
كبابجي درويش
من المطاعم الحلوة والمشهورة، بيعمل طاجن ملوخية سادة سعره 33 جنيه، وباللحمة 85 جنيه، والطعم جامد بجد.
درويش موجود في مناطق مختلفة زي شبرا والعبور ومصر الجديدة.
الدهان
مطعم غني عن التعريف، عنده الملوخية بكذا طريقة، سادة وبالفراخ وباللحمة، والطعم واحد وثابت، مميز وجامد. سعر طاجن الملوخية السادة 38 جنيه، واللي باللحمة 125 جنيه، واللي بالفراخ برضه 125 جنيه.
الدهان موجود في المعادى والتجمع والرحاب وأكتر.
حاتي أحمد ندا
من المطاعم اللي انتشرت في الفترة الأخيرة وسابت بصمة مميزة. الأسعار عنده في المعقول والجودة عالية. طاجن الملوخية السادة سعره 20 جنيه.
حاتي أحمد ندا موجود في عين شمس.
مقترح
مطاعم
من إسطنبول للقاهرة: 5 مطاعم تركية بتقدم تجربة استثنائية
أكلات تركية الأكل التركي +19
الحياة في كايرو
