-
محل رقم 401، 402، السوق الجديد
-
عالمي
-
-
8 صباحاً - 10 مساءً -
Ahmed El Mezeny
في مدينة الرحاب وراء
السوق القديم، مطعم اسمه «ديليفرانس- Delifrance»؛ محل مخبوزات ومعجنات بـ يقدم مجموعة كبيرة من المخبوزات
الحادقة والحلوة، بالإضافة للعيش، والساندوتشات، لأ وكمان سلاطات واطباق رئيسية زي
الفراخ واللحمة.
«ديليفرانس» سلسة
عالمية، ليها اكتر من 500 فرع في العالم، لكن في مصر مالهاش غير فرع واحد موجود
في الرحاب.
المحل مافيهوش غير
ترابيزتين مواجهين للإزاز بتاع المحل اللي بـ يطل على جراج عربيات وواحد من اكبر
الشوارع في مدينة الرحاب، لكن نادراً ما هـ تلاقي حد قاعد هناك لان أغلب زباين
المكان بـ تعتبروه تيك آوي وديلڤري وبس.
«ديليفرانس» بـ يقدم تشكلية
مثيرة للإهتمام من البيتزا، فعنده مثلاً «باجيت البيتزا» وده بـ22 جنيه، وعبارة
عن باجيت (العيش الفرنساي) مفتوح ومتغطى بالإضافات
اللي انت عاوزها مع صوص البيتزا والجبنة الموزاريلا، وبعد كده بـ يستوي الباجيت في
الفرن وده بـ يخلى الباجيت مقرمش من برة وسخن وطعمه حلو من جوه، طبق مقبلات هايل
في بداية أي وجبة.
سندوتش من «ديليفرانس» هـ
يكون هدية بـ تديها لنفسك فعلاً ،لإنهم بـ يستخدموا عيش صابح ومحمص هايل. سندويتش
الـ«4 جبن» (بـ20 جنيه) ده سندوتش ممتع جداً، أنواع الجبنة المختلفة فيه سايحة فوق
بعضها كانت لذيذة جداً بإستثناء الجبنة المطبوخة. ممكن تجرب نفس سندوتش بس بعيش
الـ«تشياباتا – Ciabatta»، هـ تبقى تجربة احلى.
سلاطة الروزبيف (بـ28
جنيه) مكونة من اربع شرايح روزبيف وجبنة مطبوخة وبتـ تقدم مع كمية كبيرة من الخس
والفاصوليا الحمراء والذرة وصوص الخل الخفيف. لو قدرت انك تأكل مكونات السلاطة
كلها في قطمة واحدة هـ تدوق خليط رائع من النكهات، بس للأسف في السلاطة كمان الجبنة
المطبوخة كانت إضافة سلبية.
«ديليفرانس» عنده قائمة
حلويات كبيرة ممكن في أي وقت تعدي عليه وتجرب تارت التفاح المذهلة (بـ15 جنيه) او
البراوني اللذيذة.
روح «ديليفرانس» لو انت
عايز سندوتش سريع وخفيف وانت رايح الشغل، السلاطات عندهم طعمها حلو من غير سعرات
حرارية كتيرة. «ديليفرانس» الإختيار الأمثل لسكان الرحاب اللي بـ يدوروا على عيش
صابح ولسة طالع من الفرن.
أكتب تقييم
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
