The Definitive Guide to Living in the Capital , Cairo , Egypt

المطبخ الأمريكي معروف بأطباقه الشهية الضخمة، اللي تشبعك وتمتعك بنكهات متنوعة في نفس الوقت، ما بين  أنواع البرجر والستيك بتتنافس كل المطاعم أنها تقدم الأفضل في الطعم والجودة، فاختارنا لكم أفضل المطاعم اللي جربناها وشفنا أنها تستحق أنها تكون من أفضل المطابخ الأمريكية في القاهرة.

 الفائزين في فئة أفضل المطابخ الأمريكية في جوائز اختيارت محرري كايرو 360 لعام 2016:

فات كاو – Fat Cow

من الأماكن القليلة اللي عجبتنا جدًا وكان كل حاجة فيها مضبوطة واللي متخصصة في البرجر، وإحنا بنعترف أننا أكلنا هناك ألذ برجر في القاهرة واللي ممكن تختار إضافاته بنفسك من المنيو، أو تختار نوعه من المنيو على طول.

مينس – Mince

من الأماكن القليلة اللي لسه محافظة على مستواها من ساعة ما فتحت، هتفضل تستمر تبهرنا بأنواع البرجر الشهية، والناتشوز وطبعًا ما فيش أحلى من أنك تختم وجبتك هناك بالـ French toast.

ويلز كيتشن – Willy’s kitchen

لما نتكلم عن صناعة البرجر المبهر، يبقى لازم نذكر ويلز كيتشن اللي ما بطلش يبهرنا من ساعة ما فتح، وفضل محافظ على مستواه حتى بعد ما فتح  فروع جديدة، لازم تجربوا عندهم الساندوتش المحشي جبنة سايحة والبطاطس باللحمة المفرومة والجبنة المشطشة اللذيذة.

لوسيلز – Lucille’s

من أشهر المكان المعروفة بالستيك والبرجر، لوسيلز في المعادي قدر يكون زبائنه على مدار السنين، كمان بيقدم فطار وغذاء، والبان كيك عنده حكاية.