تركي ولبناني وآسيوي.. 3 مطاعم على نيل القاهرة يستحقوا التجربة
أجمل مطاعم النيل أفضل فنادق على النيل مطاعم الفنادق مطاعم رومانسية مطاعم على النيل
Mohamed Talaat
لما بنسمع عمرو دياب بيغني “القاهرة ونيلها”، بنحس بحنين جميل للنيل، ومنظر النيل بيكون مختلف تمامًا لو شوفناه وإحنا بنأكل مع حد بنحبه في مطعم فخم من مطاعم القاهرة! علشان كده هنقول لكم على 3 مطاعم جربناهم بنفسنا هتشوفوا فيو النيل منها بشكل مبهج جدًا، وكل المطاعم دي تنفع لخروجة رومانسية مميزة، ولكن خلوا بالكم أن المطاعم دي غير مناسبة للأطفال وكمان لازم تتقلوا جيبكم.
Osmanly
عثمانلي من المطاعم الفخمة اللي بتقدم أكلات تركية متنوعة ومختلفة والأطباق هناك شهية جدًا، وهتحسوا بفخامة في تصميم المكان وهتحبوا شياكته وكراسيه العثمانية المميزة، وبتشوفوا منه النيل بشكل جميل.
العنوان: فندق كمبينسكي – جاردن سيتي.
وتقدروا تعرفوا أكتر عنهم من خلال صفحة الفيسبوك من هنا.
Saigon
مطعم سايجون من المطاعم الفخمة اللي بتقدم أنواع كتير من المأكولات المميزة على فيو مميز للنيل ويمكن ده أوضح وأجمل فيو للنيل هتشوفوه من مطعم، وهم بيقدموا مشويات وأكلات أوروبية وشرقية وسوشي وغيرها.
العنوان: فندق فيرمونت نايل سيتي – كورنيش بولاق أبو العلا.
وتقدروا تعرفوا اكتر عنهم من خلال صفحة انستجرام من هنا.
Hayda
ومين فينا مابيحبش لبنان وشعبه وأكلاته الشهية! وفي مطعم هايدا هتدوقوا أجمل أكل لبناني، والمطعم بيتميز بالفخامة والطعامة والحرفية، وهتلاقوا عندهم أشهر وأجمل المقبلات والمشويات اللبنانية، وكمان أطباق كتير بطعم لبناني أصيل زي الشاورما والفتة والأسماك وغيرها.
العنوان: مركب صن سيتي – فندق فورسيزون الجيزة.
وتقدروا تعرفوا أكتر عنهم من خلال صفحة الفيسبوك من هنا.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
