تحيا الـ”كيدز إيريا”.. 3 مطاعم في القاهرة هتبسطك أنت وأطفالك
خروجات عائلية في القاهرة كيدز إيريا مطاعم فيها كيدز إيريا في القاهرة مطاعم وكافيهات مناسبة للأطفال
Cairo 360
رنا شرف
فيه فرق كبير بين خروجات الكبار، وخروجات الأطفال، إحنا الكبار بندور على مطعم قعدته مريحة وبيقدم أطباق ومشروبات مميزة، لكن الأطفال بيدوروا على مساحة للعب والجري والانبساط. طيب لو حابب تخرج أنت وأطفالك تعمل إيه؟
في الموضوع ده هنعرفكم على 3 مطاعم في القاهرة لخروجة مميزة للكبار والصغار في نفس الوقت، أكل ومشروبات على مزاجك مع قعدة مريحة، وأطفالك هيلاقوا “كيدز إيريا” يلعبوا فيها براحتهم.
Bells
مطعم جميل بيقدم أطباق عالمية وسلاطات مميزة وحلويات من المطابخ العالمية المختلفة، وإلى جانب ده بيوفر “كيدز إيريا” كبيرة ومميزة للأطفال ودي حاجة هتخلي طفلك يستمتع وفي نفس الوقت هيسيبك تستمتع أنت كمان!
المطعم موجود في 12 أ ميدان مصطفى كامل، المعادي.
تليفون: 01093077077.
مطعم وكافيه ريش
ريش في مصر الجديدة مش بس مطعم، ده كمان فيه “كيدز إيريا” للأطفال، يعني خروجة عائلية مش هتتنسي، يمكن الـ”كيدز إيريا” مش كبيرة، بس أكيد هتعجب أطفالك اللي هيستمتعوا كمان بالحديقة الصغيرة.
المكان في 12 شارع عبد الحميد بدوي أمام نادي الشمس.
مطعم وكافيه الكوفي
مطعم وكافيه كبير على أطراف القاهرة، وبالتحديد في مدينة 6 أكتوبر. مكان حلو ومناسب لخروجة عائلية، بيقدم أطباق مختلفة، وكمان فيه مكان للتصوير، وطبعًا “كيدز إيريا” جميلة للعب مناسبة لكل الأطفال اللي بيحبوا الشقاوة والمغامرة.
الكوفي موجود في جرين بارك الممشي السياحي في 6 أكتوبر.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
