اختيارات كايرو 360: أجمد مطاعم الأكل الصحي في القاهرة لعام 2018
أفضل مطاعم القاهرة أكل صحي بي جوود تو يو جوائز اختيارات كايرو 360 رجيم ليتشي مطاعم أكل صحي
Cairo 360
الأكل هو البنزين اللي بيمشينا علشان نقدر نكمل ونستمر ولما الأكل ده أغلبه بيكون دهون وبيبقى بيتعب صحتنا يبقى لازم نقف ونفكر إحنا بنعمل إيه في نفسنا، ومن هنا جت فكرة الأكل الصحي وبدأت تنتشر مطاعم بتحاول تقدم أكل صحي بجودة كويسة وسعر مناسب ولأن المهتمين بالنوع ده قليلين جدًا برضه اختيارنا لأفضل أماكن الأكل الصحي كان قليل بس الأفضل.
الفائزين في فئة أفضل أماكن الأكل الصحي في جوائز اختيارت محرري كايرو 360 لعام 2018:
بي جوود تو يو – Be Good To You
أحلى أكل صحي شكله حلو وطعمه يجنن ممكن تجربه في القاهرة بلا منازع، سواء الحلو أو الأكل العادي، أو العصائر تجربة الأكل هناك ممتعة لأقصى درجة صحيح المكان في القطامية ممكن يكون بعيد لكن يستاهل المشاور من الحرفية والمزاج اللي بيتعمل بيهم الأكل.
ليتشي مش بس متميز بأحسن عصائر فريش وكوكتيلات مميزة لكن كمان الساندويتشات والسناكس بتاعه حلوة جدًا، وبتشبعك من غير ما تضر معدتك أو تأكل حاجة تبوظ جسمك.
