The Definitive Guide to Living in the Capital , Cairo , Egypt

الفطار (الإفطار) وجبة أساسية مانقدرش نستغنى عنها، وإحنا كمصريين بنعتبرها وجبة مقدسة، ومع زيادة المسئوليات والشغل اللي في حياتنا، لازم نفصل، وعلشان نفصل محتاجين حاجة مختلفة، علشان كده في السطور الجاية هنقولكم على 5 أماكن تقدروا تفطروا فيها والفيو بتاعهم مميز، ومتتأخروش في أنكم تغيروا مودكم وتروحوا تفطروا قبل الشغل.

Tabla

كافيه ومطعم مميز في المعادي، تقدروا تفطروا فيه إنجلش أو أمريكان أو كونتيننتال بريكفاست، غير الإفطار الإسبيشيال هناك، وأسعارهم بتبدأ من 60 جنيه، وعندهم قعدة داخلية وكمان خارجية.

العنوان: فيلا 6 شارع ٢٥٧ أمام فندق تيوليب – المعادي.

رقم التليفون: 01060192828

صفحة الفيسبوك من هنا.

العودة

ده فطار كله معمول من أهل الشام، وطعمه ومكوناته كلها فيها اللمسة والمكونات الشامية، والسندوتشات عندهم بتبدأ من 4 جنيه، وبيبيعوا وجبات إفطار تيك أواي.

العنوان: 28 عبد الحكيم الرفاعي – مدينة نصر.

رقم التليفون: 01156090199 – 0222746421

صفحة الفيسبوك من هنا.

مرزوقة

مطعم مميز، كان بدأ الأول بعربية فول، وحاليًا عندهم فرعين واحد منهم في المقطم والتاني في مدينة نصر، وبيقدموا سندوتشات زي بتاعة العربية بجودة ونظافة أعلى، وسعر الساندوتش يبدأ من 3.5 جنيه، وتقدروا طبعًا تطلبوا وجبات مافيش مشكلة.

العنوان: 6036 شارع 9 – محطة كوين – أمام عصائر العائلات، المقطم.

رقم التليفون: 01206666203

صفحة الفيسبوك من هنا.

Leila

ده مطعم لبناني مميز، القعدة فيه تجنن، والفطار مميز، خصوصًا لما تكونوا في “النزهة” مصر الجديدة، والقعدة فيه بتفكركم برونق وجمال هليوبوليس وأهلها ورقيهم، علشان كده الإفطار عندهم اسمه “ترويقة”، وعاملين عرض أن الفطار “فول أو فلافل – بيض أومليت – منقوشة جبنة أو زعتر – مياه – ٢ مشروب ساخن لفردين” بـ80 جنيه.

العنوان: 67  شارع النزهة – هليوبوليس.

رقم التليفون: 01099942471

صفحة الفيسبوك من هنا.

صاحب السعادة

هو مطعم وكافيه في أجمل مكان روحاني في مصر “الحسين”، وبالتحديد في شارع المعز وبيقدم إفطار فلاحي وكونتيننتال وأورينتال بأسعار بتبدأ من 80 جنيه، مع فيو لكل المعالم الإسلامية في شارع المعز من الرووف.

العنوان: 121 شارع المعز – الحسين.

رقم التليفون: 01206477772

صفحة الفيسبوك من هنا.