“وانتصرنا”.. كتاب وثائقي عن حرب أكتوبر من أرشيف الصحافة المصرية
كتاب عن الصحافة المصرية وحرب أكتوبر كتاب وانتصرنا كتب عن حرب أكتوبر كتب مصرية مكتبات القاهرة
Cairo 360
حرب أكتوبر واحدة من علامات مصر وجيشها، والمناسبة العظيمة دي تم تخليدها في أعمال فنية وكتب كثيرة، وأحدث الكتب اللي تناولت حرب أكتوبر 1973 هو كتاب “وانتصرنا” اللي بيقدم لك ثروة قومية وتاريخ مصري عظيم وأسرار وكواليس بتنشر لأول مرة في كتاب واحد.
كتاب “وانتصرنا” بيوثق للصحافة المصرية في الفترة من 4 أكتوبر وحتى 26 أكتوبر عام 1973، وده الوقت اللي لعبت فيه الصحافة دور محوري في توثيق الأحداث.
الكتاب هيخليك ترجع 51 سنة للماضي، وهتعيش لحظات الاستعداد قبل انتصار مصر على العدو في أكتوبر 1973، ودي الحرب اللي خلت العالم يعرف أن مصر هي الخط الأحمر في المنطقة العربية.
بين صفحات الكتاب هتتعرف على المواقف السياسية لأهم الشخصيات اللي عاشت في المرحلة الفاصلة دي في التاريخ، وهتعرف نبض الشارع وقتها، وهتتعرف على هموم أمهات الأبطال وزوجاتهم وأبنائهم، وهتعرف كمان إيه اللي كان بيدور في الاجتماعات الهامة.
الكتاب هيعرفك كمان على أهم الرسومات الكاريكاتورية اللي ظهرت في الصحافة في الفترة دي، وهتقرأ أهم البيانات والخطابات في تاريخ مصر الحديث.
بيقول صُناع الكتاب عن كتاب “وانتصرنا” إن عملهم هو “أهم كتاب صدر عن انتصار أكتوبر المجيد 1973، نظرًا لأهميته وثراء محتواه، وهو حقًا كنز لا يُقدّر بثمن، تم إنتاجه ليكون تُحفة فنيّة في بيت كل مواطن مصري”.
الكتاب الصادر عن دار دون سعره 175 جنيه، ومتاح في أهم المكتبات المصرية.
مقترح
معالم وسياحة
مسجد مصر.. هنا مركز مصر الثقافي الإسلامي بالعاصمة الإدارية الجديدة (صور)
أكبر مسجد في مصر العاصمة الإدارية +5
الحياة في كايرو
