كتاب “حب صحي”.. روشتة لعلاقة عاطفية ناجحة
حب صحي كتاب جديد كتب علاقات مايسة كمال معرض الكتاب مكتبات القاهرة
Cairo 360
عشاق الكتب الاجتماعية على موعد مع كتاب جديد هيصدر في معرض القاهرة الدولي للكتاب 2020، في دورته الـ51 اللي هتنطلق يوم 22 يناير الجاري، وهو كتاب “حب صحي”، وهو من تأليف استشارية العلاقات الأسرية الدكتورة مايسة كمال، والكتاب هيصدر عن دار تويا للنشر والتوزيع.
بيناقش كتاب “حب صحي” كتير من القضايا المعقدة بين الراجل والست، في مختلف المراحل، بداية من فترات ما قبل الخطوبة إلى مرحلة الجواز بكل تفاصيلها، وبيطرح الكتاب العديد من الأجوبة اللي بتحير كتير من البنات والستات عن كيفية التعامل مع شريك الحياة بشكل صحي وسليم.
وعن محتوى الكتاب، قالت الدكتورة مايسة كمال إنه بيتضمن 25 قاعدة للهدوء الأسري، وهدفها منه توضيح طرق الحب الصحي وكيفية التعامل مع الآخر بود وانسجام من خلال الموضوعات والنصائح اللي بيناقشها الكتاب، ومن أبرزها: إزاي نتعامل مع شريك الحياة، وإزاي تكون الست هي رقم 1 في حياة الراجل، وليه بنقابل طول الوقت نفس أنماط العلاقات، وإزاي نجذب طول الوقت إعجاب أشخاص بمواصفات معينة، وإزاي يكون شريك الحياة هو سبب التعاسة، وكمان إزاي نقدر نتعامل مع شريك حياتنا بدون مشاكل وعقد.
وبيعتبر كتاب “حب صحي” الكتاب الثاني لاستشارية العلاقات الأسرية من سلسلة محو الأمة الزوجية، بعد صدور كتابها الأول السنة اللي فاتت واللي كان عنوانه “مش جوازة والسلام”، واللي شاركت بيه في معرض الكتاب الدورة اللي فاتت، والكتاب ناقش كتير امن تفاصيل العلاقة بين الراجل والست في مجتمعنا، وأهم المشاكل اللي بتواجههم في الجواز.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
