“كتاب الروائح”.. من “النفتالين” إلى “البصل”
أحمد فضل شبلول أخبار الكتب كتاب الروائح كتب جديدة مكتبات القاهرة
Cairo 360
مؤخرًا، صدر كتاب جديد بيتكلم عن تأثير الروائح في حياتنا بعنوان “كتاب الروائح” للشاعر والروائي المصري أحمد فضل شبلول. عبر صفحات الكتاب بيسافر بنا الكاتب في رحلة شيقة لعالم الروائح، زي رائحة “النفتالين” اللي بيعد واحد من أقوى الروائح النفاذة واللي كتير مننا شمه في بيته زمان.
بيحكي الكاتب بأسلوب أدبي مميز عن استخدامات الروائح، وبيبحث في شيزوفرنيا الشم، وبيكلمنا عن بصمة الرائحة وذاكرة الشم وطِب الروائح، وبيتناول بالتفصيل الروائح عند العرب اللي عرفوا عالم الروائح واستنشاقها وميزوا بين أنواعها من قرون عديدة، رغم إنهم ماقاموش بتجارب علمية أو عملية للي بيحصل للمخ عند استنشاق رائحة ما، لكنهم عرفوا الفروق الدقيقة جدًا بين رائحة ورائحة ثانية وإزاي بتتحول الرائحة الطيبة إلى رائحة كريهة وإيه اللي بيحصل للبن أو اللحم أو الشراب على سبيل المثال لو تم تركه عدد من الأيام بدون حفظ سليم.
بيوضح الكتاب أن الروائح بتتميز فيما بينها باختلاف صفاتها وتراكيبها ومصادرها وهي: الروائح العطرة: زي العطور والمسك والعنبر والبخور، والروائح المنعشة: زي الأكسجين والكحول والبصل، والروائح المخدرة: زي روائح المشتقات النفطية (الغاز، البنزين، الكيروسين، المازوت)، والروائح الواخزة: زي روائح الخردل والفلفل، والروائح الكريهة: زي المواد المتعفنة أو المصنعة الفاقدة الصلاحية، والروائح السامة زي الفوسجين وغيره.
وبيشير الكاتب إلى أن العلماء بيعتقدوا أن فيه سبع روائح أساسية بس بيتركب منها كل الروائح الثانية في عالمنا، زي عالم الألوان الرئيسية الثلاثة، لكنهم لسة ماحددوش الروائح دي بشكل دقيق، لكن بتتوالى التجارب العلمية لاكتشاف الروائح الأساسية.
