الصيف والبحر والكتب.. تقرأ إيه وأنت في المصيف؟
الصيف المصيف كتب كتب خفيفة مكتبات القاهرة
Cairo 360
الصورة الرئيسية: Dan Dumitriu
الصيف بيحب الكتب، ولو كنت في المصيف، أو موجود الفترة دي في القاهرة، فإحنا جمعنا لك خمس كتب مميزة خفيفة وشيقة ومناسبة للصيف.. كل اللي عليك تشوف أقرب مكتبة وتجيب كتاب منهم.. والكتب دي على ضمانتنا!
الكتاب الأول: تاكسي
تاكسي (حواديت المشاوير) لخالد الخميسي، الكتاب اللي عمل صدى واسع لما نزل الأسواق، واتطبع طبعات كتير، وكمان اتحول لفيلم، الكتاب بيوصف المجتمع المصري بشكل شيق قوي، حدوتة سواق تاكسي، ويا عينى على اللي بيقابله.
الكتاب التاني: عايزة أتجوز
عايزة أتجوز لغادة عبد العال.. الكتاب خرج من سلسلة مدونات اللي عملتها مؤسسة الشروق، كان من المفروض إنها سلسلة عادية بتطلع كتب ومحاولات كتابة لشباب واعد، لكن الكتاب كأنه عمل سحر للناس، تقريبًا أغلب الشباب اللي بيقروا اشتروا الكتاب ده وعاشوا مع حواديت البنوتة اللي بتحكي عن رحلتها مع اختيار العريس.
الكتاب التالت: الخيميائي
الخيميائي لباولو كويلهو.. هي مش مجرد رواية، ومش مجرد رحلة لشاب بيدور على الكنز، الموضوع أكبر من كده، على الرغم من بساطة اللغة والحدوتة، لكن باولو كويلهو عمل في الكتاب ده اللي ما يتعملش.
الكتاب الرابع: يوتوبيا
يوتوبيا لأحمد خالد توفيق.. وصراحة شغل دكتور أحمد مختلف من وقت ما قرر يكتب للشباب قصص الرعب والبطل المختلف تمامًا د/رفعت إسماعيل، اللي هو دكتور مثقف وبيدخن بشراهة وكبير في السن، لكنه دكتور مختلف، في يوتوبيا بقى حالة تانية خالص هتعيش مع الأغنياء اللي عزلوا نفسهم في الساحل الشمالي وبحماية المارينز، لكنهم لما حاولوا يطلعوا بره اليوتوبيا.
الكتاب الخامس: رحلتي مع غاندي
رحلتي مع غاندي لأحمد الشقيري.. كتاب في تنمية الذات لإعلامي متميز برامجه عملت نسب مشاهدات غير طبيعية، وكتاب رحلتي مع غاندي فيه خلاصة تجربة الشقيري في الحياة، هتستمتعوا.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
