The Definitive Guide to Living in the Capital , Cairo , Egypt

كل الكُتاب قصصهم متميزة لكن من أفضل القصص “عفوًا سيدى الفيلسوف” اللى بـ تتكلم عن كاتب غير اجتماعى بـ يحب العزلة وبـ يستدرجه واحد من معارفه لحضور حفل بحجة أن فيه شخصية تهمه موجودة فى الحفل وعاوزة تشوفه، وبـ يكتشف الكاتب أنها مجرد زميلة قديمة من أيام المدرسة فضلت تحكى وتثرثر عن ذكرياتهم القديمة، وللأسف هنا نقلت الكاتبة مجال الحكى فى القصة لساكن بـ يشتكى من جاره اللى ساكن فوقه وبـ يبعث لمحرر جريدة وبـ يقول له أن جاره مجنون وبـ يكلم نفسه بصوت عالى وبـ يطلع فى النهاية أن محرر الجريدة هو الساكن اللى جاره بـ يشتكى منه، ومن النقاط اللى مش واضحة فى قصة “عفوًا سيدى الفيلسوف” أن المؤلفين المذكورين فى القصة مؤلف واحد فى أكثر من موقف ولا أكثر من مؤلف ولا هما قصتين وخطأ الطباعة هو اللى جمعهم تحت بعض في صفحة واحدة، فيما عدا ذلك القصة جيدة جدًا بالإضافة كمان لقصص “الخيانة وجهات نظر” و”امرأة حرة” اللى بـ تتكلم عن علاقة الرجل بالمرأة في مواقف مختلفة وأسباب الخيانة وأهمية الحرية من وجهة نظر كل من الرجل والمرأة.
ومن ضمن القصص اللى بـ تتعرض بعمق لمشاعر إنسانية عند أبطالها قصص الكاتب محمد أحمد: “مرآة مكسورة، خيال الظل، قلم”، لغة الكاتب رشيقة وسهلة وبلاغية، وبـ توصف برقة شديدة حالة طبقة اجتماعية حساسة جدًا ومش أى حد يعرف ينقل تفاصيلها بشكل غير مقزز ومش هدفه مجرد التعاطف لكن الأهم أنه يخرج بك لحالة الإحساس بالاختلاف بين القارئ اللى بـ يقرأ القصة وبين بطلها اللى بـ يتكلم عنه محمد أحمد.
من القصص المغايرة فى طريقة حكايتها قصص “كش وطن” اللى بـ تتكلم عن مدينة تحت الحصار والجنود بـ يدافعوا عنها “يحيا الوطن يحيا الملك.. يعيش الوطن يعيش الملك” من باب أن حماية الملك من حماية الوطن ودفاعًا عن الوطن، الملك بـ يموت معظم الجنود وبـ يُصاب الملك اللى بـ يقرر تحت تأثير الإصابة أنه يستسلم ويسلم المدينة… كمان من القصص المتميزة فى المجموعة “لحم طازج” اللى بـ تحكى عن زوجة بـ تعانى من أن زوجها بـ يقطع أجزاء من جسدها يوميًا علشان يطهوها ويأكلها فبـ تقرر أنها تسمم جسدها علشان تموت وزوجها يموت معاها، القصة فيها إسقاط جيد جدًا لمعاملة الرجل للمرأة وبألفاظ غير خادشة وبشكل غير مباشر.