The Definitive Guide to Living in the Capital , Cairo , Egypt

رنا شرف

اليابان بلد جميل ومتحضر، وله تاريخ حقيقي، والأكل الياباني أصبح له جمهور في القاهرة، لكن هل فكرت قبل كدة تجرب الحلويات اليابانية؟ إحنا في كايرو 360 جربنا مؤخرًا حلويات يابانية في مكان اسمه موتشي، موجود في كايرو فستيفال سيتي.. تعالوا نعرف عنه أكتر.

“موتشي” موجود في قلب كايرو فستيفال، ومكان بسيط جدًا رغم جمال المنتجات اللي بيقدمها، ديكوراته بسيطة لكن حلوة، مجرد كراسي وترابيزات عملية، والحلو إنك بتطلب وأنت واقف وشايف طلبك بيتعمل أمامك مباشرة.

الموتشي أوالموجي هو حلوى يابانية بتتعمل من الأرز الغروي اللي بيكون بشكل عجيني، وبعدها بيتم تشكيله في قوالب. والحلوة دي بتنتشر في اليابان عادة ضمن طقس شهير بيسمى مُتشِتسوكي.

المكان اللي روحناه بيقدم حلويات موتشي بطعم يجنن، ولما سألنا عن أجمل الأطعمة، عرفنا إن المانجا والتشيز كيك هما الأفضل، فطلبنا واحدة مانجا وواحدة تشيز كيك، الواحدة سعرها 50 جنيه، والحقيقة المنتجات عجبتنا بجنون.

كمان جربنا من عندهم القهوة، وكانت معمولة علي الطريقة اليابانية، وهي قهوة بابلز بالحليب، ودي سعرها 85 جنيه، وهي عبارة عن قهوة بالحليب وجواها بابلز كورات جيلي، وفعلًا كانت حلوة.

تجربتنا بشكل عام كانت مميزة، وأكيد هنجرب المكان تاني.

تقدروا تعرفوا أكتر عن “موتشي” من خلال حسابهم على إنستجرام من هنا.