The Definitive Guide to Living in the Capital , Cairo , Egypt

مافيش مجال للإنكار أن فيه علاقة خفية بين المصريين وحبهم للعيش، بالنسبة لهم "حياة"، سواء بـ يجيبوه من الفرن أو من مخبز شيك وراقى، رائحة المخبوزات أو العيش مافيش حد ما بـ يستمتعش بها، وفكرة أنك تترجم جمال الرائحة دي فى الطعم كمان ده الجزء الاحترافى، لأن شيء محبط لما تيجي تأكل حاجة رائحتها حلوة لكن طعمها مش ولابد… ومن خلال خبرتنا نقدر نقول لكم مين اللى قدر يحقق ده وفضل مكمل على نفس المستوى.

الفائزين بجوائز اختيارات المحررين لعام 2015 لأفضل المخبوزات والحلويات:

ماندرين قويدر – Mandarine Koueidar

بقى له على الساحة ييجي 90 سنة، وبالتالى أى مكان يفتح جديد بتاع حلويات لازم بـ يتم مقارنته به علشان نعرف مدى جودة المكان الجديد، ماندرين قويدر اسم وعلامة مميزة مافيش كلام.

نولا كب كيك – NOLA Cupcakes

على الرغم من أن الكب كيك ما بقيتش بنفس قوة أول ما ظهرت، لكن نولا قدرت تتصدرهم كلهم لحد دلوقت ولسه بـ تقدم كب كيك بجودة عالية.

كوبرميلت – Coppermelt

عند كوبرميلت هـ تعيش تجربة كاملة: المكان أنيق، الخدمة ودودة جدًا، والحلويات هـ تذوب فى فمك، عاوز إيه أكثر من كده؟

كرامبس كب كيك & مور – Crumbs Cupcakes & More

من أوائل الناس اللى دخلت الكب كيك فى عالم الحلويات فى مصر، كرامبس بـ تعمل كب كيك لذيذة وممكن كمان تعمل لك أشكال بالطلب للحفلات.

تى بي إس – TBS

كلنا عارفين الإحساس اللى بـ نشعر به أول ما ندخل أى فرع لتي بي إس، تشكيلتهم من العيش، والمخبوزات والحلويات، حتى بار الساندويتشات، كلها حاجات خلتهم جديرين بالجائزة دي.

تايني تريتس كب كيك – Tiny Treats Cupcakes

مافيش أصعب من فكرة أنك تنجح وكمان تتميز عن اللى حواليك، لكن تايني تريتس كب كيك قدروا يحققوا ده من خلال ابتكار نكهات مجنونة.

ديوكس – Dukes

مشهورين بحاجات كثيرة غير الديرت كيك بتاعتهم، ديوكس بقى مكان الحلويات المفضل خاصة لسكان هليوبوليس اللى بـ يستمتعوا بكيك وحلويات مميزة.

ذا باتر هاف & كو – The Batter Half & Co

المكانة اللى احتلها ذا باتر هاف & كو خلته يوصل لاقتناص الجائزة بدون تردد، من الآخر بيزنس ناجح وحلويات تجنن.

بريد باسكيت – Bread Basket

فكرة أنك تدخل منافسة مع أماكن متخصصة فى الحلويات.. وكمان فى الزمالك دي مش حاجة سهلة، بريد باسكيت قدر يعمل ده ويكون له ستايل خاص به وبمنتجاته اللذيذة.

بول – PAUL

عبارة عن مطعم وفي نفس الوقت مخبز فرنسي أنيق، لو جربت أى حاجة من مخبوزاتهم على طول هـ تفرقهم من وسط مليون، فروعهم أنيقة وأكلهم الفرنسي رائع، وبالتالى يستحقوا يحصلوا على الجائزة.