The Definitive Guide to Living in the Capital , Cairo , Egypt

رنا شرف

كثير مننا بيحب الكافيهات الأمريكية، ولسنين طويلة كنا بنروحها مع أصحابنا أو علشان نشتغل في مكان مناسب، لكن مع انتشار ثقافة المقاطعة بعد أحداث غزة الأخيرة ناس كثيرة أصبحت بتدور على أماكن محلية بتقدم نفس الخدمة، ومن التجارب المصرية الخالصة اللي ظهرت مؤخرًا، واللي نقدر نقول عليها نسخة محلية جدًا من الكافيهات الأمريكية، جلال كوفي – Galal Coffee، اللي أصبح مكان مفضل لكثير من الشباب.. إحنا روحنا المكان، وهنقول لكم تفاصيل تجربتنا هناك.

شعار المكان هو: هنوصل لقلبك ببساطة عن طريق ألذ قهوة وأحلى مشروبات هتعدل مزاجك وتحلى يومك!

الشتاء بيحب المشروبات الساخنة، زي الهوت شوكليت والكابتشينو والنسكافيه مع المخبوزات الحلوة، زي الدوناتس والوافل. وجلال مكان فيه مشروبات مميزة ومخبوزات حلوة، والأسعار معقولة جدًا. المكان بسيط والديكورات مسيطر عليها اللون الأسود وأول حاجة لفتت نظرنا هي إن “لوجو” المكان بيشبه براند أمريكي مشهور جدًا في القاهرة! المهم دخلنا المكان ولقينا فيه طاقة إيجابية حلوة والمكان زحمة بس منظم.

جلال كوفي  بيقدم كل أنواع المشروبات وبيعمل مشروبات مميزة بيه زى الجيلي كولا والكاندي.

طلبنا منهم كابتشينو بندق والفليفر كان قوي وجميل لدرجة إننا ماحطيناش سكر، وسعره معقول، 40 جنيه، وده سعر رائع خصوصًا إن حجم المشروب كبير.

جربنا كمان من عندهم الدوناتس بنكهة الفسدق، وكان حلو وفريش وسعره برضه 40 جنيه.

الحقيقة ورغم إننا مابنحبش “سرقة الأفكار” لكننا انبسطنا جدًا بالتجربة في المكان.

العنوان: القاهرة، مدينه نصر، حديقه الطفل.

وده لوكيشن الفرع (اضغط هنا).