The Definitive Guide to Living in the Capital , Cairo , Egypt

لما بنزهق من الخروجات التقليدية، بنحب نجرب مكان يكون فيه أكل، وفي نفس الوقت يشبه الكافيه. علشان كده جمعنا لكم أفضل أماكن اللاونج في القاهرة.

الفائزين في جوائز اختيارات محرري كايرو 360 لأفضل أماكن اللاونج لعام 2018:

جابيز – Gaby’s

جابيز مكان مميز، موجود قدام سينما VIP في سيتي ستارز. ده غير إنه مكوّن من دورين بديكورات بسيطة، مستوحاة من جو البيوت اللطيف.

ليفت بانك – Left Bank

ليفت بانك ركن أساسي في الزمالك.. المكان بيتميز بديكوراته البسيطة، وقعداته المختلفة. أما المنطقة الخارجية ففيها ترابيزات مربعة بتطل على النيل، بكراسي منخفضة مبطنة ومريحة. سواء كنت جعان أو عاوز تشرب مشروبك المفضل.. ليفت بانك هو مكانك.

سيكويا – Sequoia

المكان محافظ على مستواه من اليوم اللي فتح فيه لحد النهارده. موقعه على النيل مميز جدًا، وديكوراته مبتكرة. ده كفاية المشروبات الهايلة اللي بيقدمها.

بليز – Blaze

يعتبر من الإضافات المهمة لأسطول مطاعم القاهرة الجديدة اللي شعبيتها بتزيد يوم بعد يوم. نقدر نقول أن بليز يجمع بين طاقم موظفين هايلين وأجواء لطيفة وكمان أكل ممتاز.

بوكا – Bocca

أحلى الأكلات من الحلو والحادق وحتى السندوتشات، هتلاقيها كلها في بوكا المهندسين. بطعم مالوش مثيل في أي مكان تاني.