الفنان خالد النبوي رحب جدًا بأنه يقدم شخصية محمد صلاح لاعب ليفربول الإنجليزي في عمل سينمائي عالمي، وأكد كمان أنه بينتمي للنادي الأهلي، وأضاف أنه بيحب اللعبة الحلوة وبيحترم نادي الزمالك ونجومه.

وقال خالد النبوي لما اقترح عليه الإعلامي عمرو أديب في حلقة من برنامج الحكاية فكرة تجسيد دور محمد صلاح في عمل سينمائي: “طبعًا موافق”.

وتابع: “ده أمر يسعدني بكل تأكيد، صلاح حالة بديعة ورائعة، وأنا بحب كرة القدم وبمارسها بشكل جيد”.

عمرو أديب لـ خالد النبوي: اعمل شخصية محمد صلاح وهتكسر الدنيا.. شاهد رد فعل الفنان#الحكاية#MBCMASR pic.twitter.com/cvXVXgTNg2

— MBC مصر (@mbcmasr) December 14, 2019

وقال خالد النبوي: “صلاح كنز لمصر ولازم نحافظ عليه ونحطه في عنينا، هو لاعب موهوب جدًا، واللي وصل له ده حصل بعد إصرار وكفاح ومجهود جبار، ماكنش بينام من كثرة التدريبات”.

وأكد خالد النبوي: “أنا بستاء جدًا لما ألاقي حد بيسعى لمضايقته، كم بلد في العالم بتمتلك لاعب بحجم وقيمة محمد صلاح؟”.

وعن مسألة منح شارة قيادة المنتخب لصلاح رد خالد النبوي: “لو رجعنا بالذاكرة للخلف، هنلاقي “هيديكوتي” لما جاء للأهلي، اختار الخطيب علشان يكون قائد للفريق، وماكنش هو الأقدم، لكن بسبب شخصيته القيادية ولأنه الأكثر موهبة”.

وأكد “أنا أهلاوي جدًا جدًا جدًا، لكن بحب اللعبة الحلوة وبحترم نادي الزمالك ونجومه”.

خالد النبوي يتحدث عن هدفي محمد صلاح.. ويؤكد: أنا أهلاوي جدًا جدًا جدًا#الحكاية#MBCMASR pic.twitter.com/MCjNrxyUbw

— الحكاية (@Elhekayashow) December 14, 2019