هالوين وحفلات وتخييم وأكثر.. دليلك لأجمد فعاليات الويك إند في القاهرة
أحداق فنية القاهرة حفلات حفلات الويك إند فعاليات ثقافية
Cairo 360
الويك إند قرب! والأسبوع اللي فات كان مليان أحداث سياسية مؤلمة، أثرت فينا كلنا، لكن لو عندك أولاد، أو لو أنت نفسك تعبت نفسيًا من نشرات الأخبار، من حقك ترتاح وتفصل شوية.. في الموضوع ده هنعرفكم على أهم فاعليات فنية هتحصل في القاهرة الأيام الجاية.
لو بتحبوا العروض المسرحية فعندكم فرصة تحضروا مسرحية “يوم شغل” التفاعلية، واللي هتكون يوم الخميس والجمعة 26 و27 أكتوبر في ساحة روابط للفنون بالقاهرة، والمسرحية دي ضمن فعاليات مهرجان “دي كاف” للفنون المعاصرة اللي هتستمر 5 نوفمبر. التذاكر من هنا.
والهالوين كمان قرب! تقدروا تستمتعوا بسهرة مخيفة في حفل كيدزانيا للهالوين “معمل الرعب” المخصص للكبار، يوم الخميس 26 أكتوبر من 6 إلى 11 مساء. لمعلومات أكثر ولمعرفة موعد طرح التذاكر، تابعوا صفحتهم على فيسبوك.
عندنا كمان حفل تنكري سبعيناتي لفرقة آبا السويدية بتنظمه رووم أرت سبيس جاردن سيتي. في الحفل ده هنستمتع بأجمل أغنيات فرقة آبا السويدية وده هيكون يوم الخميس 26 أكتوبر الساعة 8 مساء. احجزوا التذاكر من موقع إيزي كاش.
لسة عندنا فعاليات أكثر! استعدوا للنسخة الثانية من كايرو فينتاج سوق في الجريك كامبس بالتحرير يوم الجمعة 27 أكتوبر، من الساعة 2 ظهرًا ولحد 10 مساء. التفاصيل هنا.
عندكم كمان فرصة لحضور حفل “القصر المسكون” في كايرو جاز كلوب العجوزة يوم الجمعة 27 أكتوبر الساعة 9 مساًء. استمتعوا بالموسيقى وهاتوا معاكم أزياء تنكرية، وتقدروا تحجزوا التذاكر من صفحتهم على فيسبوك.
بتحبوا الحيوانات؟ عندكم فرصة حلوة بتقدمها لكم مبادرة خدمة الحيوانات البرية، وهي جولة للتخييم والتمشية في صحراء محمية وادي دجلة للاستمتاع بجمال الوادي في الليل. الرحلة هتبدأ الساعة 5 عصر يوم الجمعة 27 أكتوبر، وهتستمر لحد الساعة 8 من صباح اليوم التالي. التفاصيل هنا.
واوعوا يفوتكم حضور “كرنفال الرعب” في كيه إم تي هاوس بالمعادي، واستمتعوا بيوم مليان بالفعاليات المتنوعة من ضمنها الموسيقى واليوجا وورش العمل وأكثر. هيبدأ الكرنفال الساعة 10 صباح السبت 28 أكتوبر، وهيستمر لحد الساعة 10 مساءً. احجزوا التذاكر من موقع تيكتس مول.
مقترح
معالم وسياحة
متحف الصيد: مغامرة في قلب القاهرة هتاخدك لعالم الأدغال
تاريخ مصر حيوانات محنطة +7
أفلام
