مهرجان القاهرة الدولي للجاز.. مشاركات عالمية و22 حفل موسيقي
حفلات الجاز مهرجان الجاز مهرجان القاهرة الدولي لموسيقى الجاز مهرجان القاهرة للجاز
Mohamed Talaat
الصورة الرئيسية: Chris Bair
مهرجان القاهرة الدولي لموسيقى الجاز واحد من أهم الفعاليات الفنية اللي بتحصل في مصر بشكل عام، وفي القاهرة بشكل خاص. وفي 2024 هتحتضن القاهرة المهرجان لمدة 9 أيام، وهيتضمن 22 حفلة موسيقية. تعالوا نتعرف على 7 معلومات فيهم الخلاصة عن المهرجان وتفاصيله واللي هيكون تحت رعاية وزارة الثقافة وبعض السفارات والمؤسسات الدولية بالإضافة إلى الجامعة الأمريكية بالقاهرة.
1- مهرجان الفاهرة الدولي للجاز في نسخته الـ16 هيكون في الفترة من 31 أكتوبر حتى 8 نوفمبر 2024.
2- حفل الافتتاح هيكون في الجامعة الأمريكية بالقاهرة في قلب ميدان التحرير، وهتفتح حفلات المهرجان الفنانة نهى فكري.
3- هيشهد المهرجان مشاركة 15 دولة، وهم: مصر – إيطاليا – أستراليا – النمسا – البرتغال – ألمانيا – التشيك – بولندا – الدنمارك – البرازيل – سويسرا – بريطانيا – هولندا – إسبانيا – بلغاريا.
4- هيشهد المهرجان عودة فرقة “المصريين” بشكل جديد واللي أسسها الموسيقار هاني شنودة أواخر السبعينيات.
5- المهرجان هيحتفل بـ100 عام من العلاقات الدبلوماسية البرازيلية المصرية من خلال حفلات للفنانين البرازيليين.
6- هيشهد مهرجان القاهرة للدولي لموسيقى الجاز بعض الفعاليات الفنية والورش وعروض الأفلام وحفلات للفرق الموسيقية المدرسية وغيرها.
7- حفل الختام هيكون مع فرقة مسار إجباري بعد غياب 10 سنوات عن المهرجان.
جدير بالذكر أن تاريخ المهرجان بيرجع لعام 2009، كحدث دولي انطلق على يد المؤلف الموسيقى عمرو صلاح.
