The Definitive Guide to Living in the Capital , Cairo , Egypt

الصورة الرئيسية: Jessica Ruscello

معرض القاهرة الدولي للكتاب في دورته الـ 56 مكمل نجاحه الكبير، وبعد 9 أيام بس من انطلاقه، عدد الزوار تجاوز 4 مليون شخص، وده بيأكد إن حب القراءة والثقافة لسه متصدر المشهد في مصر. بس يوم 1 فبراير 2025 لوحده، سجل المعرض 465,475 زائر، والعدد لسه بيزيد مع الفعاليات المتنوعة اللي بتشد الجمهور كل يوم.

فعاليات مميزة ونجوم في قلب المعرض
اليوم التاسع كان مليان أحداث قوية، وأبرزها كان جلسة حوارية مع السفير الدكتور بدر عبد العاطي، وزير الخارجية والهجرة، واللي اتكلم فيها عن رؤية مصر في القضايا الدولية. كمان استضاف المعرض الكاتب أحمد المسلماني، رئيس الهيئة الوطنية للإعلام، واللي ناقش مستقبل الإعلام في مصر. بجانب الندوات، كان فيه عروض فنية واستعراضية على مسرحي بلازا 1 وبلازا 2، زودت من الأجواء الحماسية في المعرض.

خطوة بخطوة: إزاي تحجز تذكرة معرض الكتاب 2025 أونلاين؟

تفاصيل المعرض.. والضيوف الكبار
معرض الكتاب السنادي بيجي تحت رعاية الرئيس عبد الفتاح السيسي، تحت شعار “اقرأ… في البدء كان الكلمة”، وهيستمر لحد 5 فبراير في مركز مصر للمعارض الدولية بالتجمع الخامس.
سلطنة عُمان هي ضيف الشرف السنة دي، و الدكتور أحمد مستجير تم اختياره شخصية المعرض، أما شخصية معرض كتاب الطفل فهي الكاتبة فاطمة المعدول.

خريطة المواصلات لمعرض الكتاب 2025: كل خطوط الأتوبيسات عشان توصل بسهولة

المعرض بيضم أرقام ضخمة زي:
– 1345 دار نشر من 80 دولة
– 6150 عارض
– أكتر من 10 دول بتشارك لأول مرة

كل الأرقام دي بتأكد إن معرض الكتاب مش مجرد حدث ثقافي، لكنه مهرجان سنوي بيجمع كل عشاق الكتب والمعرفة في مكان واحد!