ما تفوتش أحلى الحفلات والأنشطة في “درب1718” في رمضان
آسيا مدني بشير تكسير شرقي جدول درب 1718 خروجات القاهرة خروجات رمضانية درب1718 معرض الخبيئة ورشة الفخار ورشة اليوجا
Cairo 360
رمضان شهر الخير والعزومات.. والخروجات مع الأهل والأصحاب! ومن الأماكن المميزة في القاهرة اللي بتوفر لكم جدول غني مليان حفلات وأنشطة مختلفة درب 1718، اللي محضر لكم أحداث كتير علشان تستمتعوا مهما كانت إذواقكم أو اهتمامتكم.
وخدوا بالكم.. كل الحفلات والأنشطة هتكون بعد الفطار على طول.. يلا استعدوا للانبساط.
لعشاق اليوجا هتستمتعوا ببرنامج مميز كل يوم سبت لحد يوم 9-6-2018 قبل الفطار بساعة واحدة علشان تحسوا بنشاط.
لكن لو أنت بتحب الحفلات يبقى تستعد للي جاي!
هيكون فيه حفلة لفرقة تكسير شرقي يوم الخميس 24 مايو. والخميس اللي بعده يوم 31 مايو هيكون فيه حفل لبشير.
أما يوم الجمعة 1 يونيو فهيكون فيه حفلة مميزة لنهى فكري وذا جاز كوارتر.
واللي مالهمش في موسيقى الجاز بس بيحبوا الضحك والعروض الكوميدية هيلاقوا اللي بيدوروا عليه مع عروض الحزب الكوميدي اللي هتكون يوم السبت 2 و9 يونيو، بس المفاجأة الكبيرة في عرض المطربة السودانية آسيا مدني يوم الخميس 7 يونيو.
ده غير حفل يوم الجمعة 8 يونيو مع فرقة الدور الأول.
أما بالنسبة للورش فما تفوتكش ورشة اليوم الواحد للفخار ودي هتكون كل يوم سبت من يوم 19 مايو ولحد 9 يونيو. ده غير ورشة اليوجا، واللي هتكون من 19 مايو ليوم 9 يونيو.
وما تنسوش تبقوا تعدوا على معرض الخبيئة، واللي بيكون فاتح كل يوم ما عدوا الجمعة وهيفضل مستمر لحد يوم 3 يونيو، علشان تستمتعوا بأجمل الأعمال الفنية.
أحداث كتير متنوعة في درب 1718 الفترة دي، اختار الحدث اللي نفسك تحضره وسجل معاده علشان ما تنساهوش، ولو عاوز تعرفوا باقي الأحداث اللي هتحصل الشهر ده ما تنسوش تشوفوا أجندة كايرو 360 اللي فيها كل جديد.
مقترح
معالم وسياحة
باب كنيسة في جامع.. سر المدخل العجيب لمدرسة الناصر بشارع المعز
آثار القاهرة العمارة الإسلامية +6
معالم وسياحة
