The Definitive Guide to Living in the Capital , Cairo , Egypt

الفيلم المصري “ليل خارجي” للمخرج أحمد عبد الله السيد، هيشارك في الدورة الأربعين، لمهرجان القاهرة السينمائي، واللي هتعقد في الفترة من 20 حتى 30 نوفمبر الجاي.

وبحسب نقاد كتير الفيلم مختلف، وفيه مجهود كبير، يعني نقدر نقول إن فيه كل مواصفات الفيلم الناجح اللي ممكن يحصل على جوايز دولية مهمة.

وأكد محمد حفظي رئيس مهرجان القاهرة السينمائي، حرصه على أن تشهد الدورة الأربعون للمهرجان مشاركة متميزة وقوية للفيلم المصري في المسابقة الرسمية، وأضاف إن “ليل خارجي” بيمثل تجربة متميزة في مسار السينما المصرية المعاصرة.

أما مخرج الفيلم أحمد عبد الله السيد، فأعرب عن سعادته بالمشاركة في المهرجان، وعن طموحه في أن تكون مشاركته ومشاركة العشرات من صناع السينما شرارة إعادة إحياء لمهرجان القاهرة السينمائي.

فيلم ” ليل خارجي” من بطولة مني هلا، اللي بدأت حياتها كمذيعة في برنامج للأطفال بعنوان “يلا بينا”، وبعدها مثلت في فيلم “الباشا تلميذ”، وأبرز أعمالها ليلة البيبي دول، قلب ميت، إذاعة حب، وفي مجال البرامج التليفزيونية قدمت البرنامج الكوميدي “ربع مشكل” بأجزائه.

بيشارك منى في بطولة الفيلم كريم قاسم، شريف دسوقي، بسمة، أحمد مالك، عمرو عابد، أحمد مجدي، صبرى عبد المنعم، مجدي أحمد علي، أحمد يسري.

بتدور أحداث الفيلم حوالين “مو وتوتو ومصطفى”، ودول ثلاث أشخاص بيتقابلوا في ليلة، وكل منهم بيخوض معركته الخاصة، وبيلاقوا نفسهم فى رحلة ما حدش منهم توقعها داخل المدينة.

الفيلم من تأليف شريف ألفي، وإنتاج هالة لطفي.