The Definitive Guide to Living in the Capital , Cairo , Egypt

في مطار القاهرة الدولي، متحف مهم، مليان قطع أثرية فريدة من نوعها، ومنها صليب مفرغ بيرجع لفترة القرن 18-19م، مصنوع من الحديد، بيد متوسطة الطول، وبيوصل طوله لـ17 سم، وعرضه 6 سم.

تعالوا نعرف 5 معلومات عن القطعة التاريخية الفريدة دي، واللي تقدروا تشوفوها عن قرب في متحف مطار القاهرة.

1 – القطعة الأثرية دي هي واحدة من أشكال الصليب القبطي.

2 – الصليب ده كان بيستخدم بواسطة رجال الدين المسيحي (البطريرك- الأسقف-الكاهن) في معظم الصلوات في الكنيسة.

3 – في البداية دمج الفنان القبطي في القرون الأولى للمسيحية بين الصليب وعلامة العنخ الفرعونية اللي بترمز للحياة.

4 – بمرور الزمن أصبح شكل الصليب القبطي خالي من أي تأثيرات فرعونية، وأصبح بالشكل المتعارف عليه حاليًا.

5 – الصليب الأثري مش هو القطعة الوحيدة الفريدة من نوعها في متحف مطار القاهرة، بيعرض المتحف حاليًا مجموعة من أبرز القطع الأثرية، اللي يقدر من خلالها الزائر يسافر لتاريخ مصر الخالد بمختلف عصوره المتتابعة، وكل القطع المعروضة في المتحف بتُمثل مرآة لحضارات وفنون مصر المختلفة بداية من العصر الفرعوني مرورًا بالعصرين اليوناني الروماني، فضلًا عن الفن القبطي لحد العصر الإسلامي والحديث.

عنوان متحف مطار القاهرة: داخل مطار القاهرة الدولي، مبنى الركاب 3.