The Definitive Guide to Living in the Capital , Cairo , Egypt

كل عشاق الكتب في القاهرة، عندهم فرصة للحصول على كتب مهمة ومميزة في كل المجالات، بأسعار مخفضة جدًا، وده من خلال معرض فيصل الرمضاني العاشر للكتاب، واللي فتح أبوابه رسميًا يوم 12 أبريل الجاري الموافق 11 رمضان، وهيستمر لحد يوم 21 رمضان.

في الموضوع ده هنعرفكم على المعرض أكتر من خلال 7 معلومات فيهم الخلاصة.

1 – معرض فيصل الرمضاني للكتاب مقام حاليًا بأرض هيئة الكتاب بشارع فيصل.

2 – المعرض  مساحته 3000 متر مربع، وبيشارك فيه 33 ناشر على رأسهم قطاعات وزارة الثقافة، والمجلس الأعلى للشئون الإسلامية، ووزارة الأوقاف، ومؤسسة دار المعارف، وأكتر.

3 – بيشارك كمان في المعرض سور الأزبكية بمكتبتين، ده غير عدد من دور النشر الخاصة.

4 – بيضم المعرض أحدث إصدارات هيئة الكتاب في مختلف المجالات والسلاسل اللي بتصدرها الهيئة.

5 – بيضم المعرض جناح مبادرة ثقافتك كتابك، واللي بتقدم كتب مميزة بسعر مخفض بيبدأ من جنيه واحد ولحد 20 جنيه.

6 – بيصاحب المعرض نشاط ثقافي وفني متنوع، زي حفلات لفرقة التنورة التراثية التابعة للهيئة العامة لقصور الثقافة، وفرقة النيل للإنشاد الديني، وفرقة الشرقية للفنون الشعبية، والحرية للفنون الشعبية، والفرقة القومية للموسيقى والآلات الشعبية، وغيرها.

7 – المعرض هيتضمن أكتر من ندوة ثقافية، بالإضافة إلى النشاط الخاص بالطفل واللي هيضم ورش فنية وتعليمية وعروض الأراجوز والعرائس، وهيكون فيه ركن خاص لنظارات الواقع الافتراضي (VR) لعرض قصص الأطفال.

وأخيرًا..

هيستمر المعرض لحد يوم 21 رمضان / 22 إبريل 2022، وهيفتح أبوابه يوميًا للجمهور بعد الإفطار من الساعة 8 مساءً ولحد 12 ونصف منتصف الليل.