5 قنوات على يوتيوب هتعلمك إنجليزي صح
Mohammed Sabry
إتقان لغة أو أكثر دلوقتي بقى شيء ضروري لما تقدم على أي شغل. أول لغة بتكون مطلوبة دايمًا هي الإنجليزي. وأغلب الأحيان بتكون هي اللغة الوحيدة المطلوبة، بدون أي لغة تانية.
وبما إن عقدة الإنجليزي لسه ملازمة ناس كتيرة، وبتضيع عليهم فرص شغل كويسة، فكايرو 360 قررت تقولكم على 5 قنوات على يوتيوب بيعلموا إنجليزي من مستوى الصفر. تعالوا نتعرف عليهم:
دروس أونلاين
قناة مهتمة بتعليم اللغة الإنجليزية والجرافيك. وبتدي نصائح مهمة في أي مجال، وكيفية تعلم أي شيء. لينك القناة من هنا.
Rachel’s English
بتتعلم من خلالها إزاي تنطق الإنجليزي الأمريكي. وبيكون في كلام مكتبوب مع الفيديوهات علشان يسهل على الناس اللي لسه مبتدئة. لينك القناة من هنا.
El Koshk
القناة دي بتعتمد في الأساس على تعليم اللغة الإنجليزية من خلال الأفلام. وبكده بتجمع بين التعليم والترفيه في نفس الوقت. لينك القناة من هنا.
Grammarly
أكيد تعلم اللغة لوحده مش كفاية، لازم كمان تتعلم تكتب صح. وده اللي بتركز عليه قناة “grammarly”. إنها تخلي القواعد بتاعتك كلها سليمة. لينك القناة من هنا.
اللسان الانجليزي
من خلال القناة دي هتتعلم المحادثات باللغة الإنجليزية. وكمان هتتعلم الجمل والمفردات الأكثر شيوعا، وتطبقها بالتدريب. لينك القناة من هنا.
مستنيين إيه؟ يلا ابدأوا واتعلموا مجانًا مع أحسن معلمين.
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
