The Definitive Guide to Living in the Capital , Cairo , Egypt

الصيف هو فرصتنا للهروب من ضغوط الشغل والحياة وزحمة القاهرة. والمصيف هو المكان اللي بنلاقي فيه نفسنا، وبنكون فيه على طبيعتنا بدرجة كبيرة.. ولو بتجهز شنطتك للمصيف اليومين دول فيه 5 حاجات مهمة لازم تكون معاك.. تعالوا نعرفهم مع بعض.

بينصحكم الدكتور هاني الناظر، استشاري الأمراض الجلدية، ورئيس المركز القومي للبحوث السابق، ببعض المنتجات المهمة اللي لازم تكون معاكم في شنطة المصيف.

أول حاجة بيؤكد عليها “الناظر” في شنطة المصيف هي كريم واقي من أشعة الشمس، تدهن بيه الجلد للكبار والأطفال بهدف الحماية من حروق الشمس.

كمان مهم يكون معاك زجاجة صغيرة فيها محلول بيتادين المطهر لاستخدامه فى حالة التعرض لأى جروح تحصل نتيجة السير على أى حاجة حادة في وسط الرمال على الشاطئ، بالإضافة إلى شريط بلاستر طبي لاستخدامه لتغطية الجروح.

ومع الأدوات اللي فاتت لازم يكون معانا كمان زجاجة صغيرة فيها خل نستخدمه كدهان للجلد في حالة تعرضه للسعات قناديل البحر اللي بتظهر غالبًا خلال أخر أسبوعين شهر يونيو، وكريم حروق لاستخدامه عند التعرض لحروق الشمس الشديدة.