The Definitive Guide to Living in the Capital , Cairo , Egypt

مع ضغط الحياة اليومى والتلوث اللى بـ نعيشه فى القاهرة،
الواحد مننا لازم ما ينساش أن جسمه محتاج يكون متناسق وفى الفورمة، وكمان محتاج
يرتاح ويتدلع. منتجع إندرا داى الصحى الموجود فى المعادى منتجع آسيوى ملهم بـ يرفع
شعار الهدوء والراحة فى الحياة اليومية، وعلشان كده ما قدرناش نفكر فى مكان أحسن
من هنا علشان يساعدنا نرجع نشاطنا.

أول ما تدخل هـ تحس بسحر الشرق
الأقصى. الموسيقى كانت غريبة شوية والإضاءة كانت معتمة، وتقدر تسمع صوت مياه جارية
قادمة من النافورة الموجودة فى مدخل المكان ده مع رائحة الزيوت العطرية اللى بـ
تملأ المكان. الديكورات كانت بسيطة وفيه باليتات محطوطة على ترابيزة خشب بألوان
بنى وبيج وأخضر. ورغم أن المكان مش كبير، لكن فيه إحساس بالراحة والهدوء.

موظف الاستقبال رحب بنا وطلب نملأ استمارة بمعلومات عننا
وعن أى مشاكل صحية عندنا. فى نفس الوقت قدموا لنا مشروب نعناع سخن وفوطة باردة علشان
تنعشنا ونمسح تأثير الحر.

خدمات المساج المقدمة متنوعة. مستوحاة من التجربة الآسيوية
وبـ ينفذها مدلكين متخصصين. الأربعة اختيارات الموجودة هم: مساج ماليزى تقليدى (360 جنيه/60
دقيقة- 480 جنيه/ 90دقيقة)، مساج إندرا باستخدام خليط الروائح والزيوت (300جنيه/60
دقيقة- 420 جنيه/90 دقيقة)، مساج باستخدام نقط الضغط
(300جنيه/ 60 دقيقة- 420 جنيه/90
دقيقة)، ومساج مريح للقدم (260 جنيه/60 دقيقة- 320 جنيه/90
دقيقة).

قررنا نجرب جلسة 60 دقيقة من النوع الثانى من المساج Aromatherapy Fusion Massage. المدلكة سلمت علينا وطلبت مننا
نختار ثلاثة أنواع من الزيوت علشان الجلسة. بعد مكان الاستقبال، وصلنا منطقة معتمة
وفيها عملنا جلسة مساج سريعة للقدم وتنظيف. بسرعة حسينا أن الإجهاد راح مننا.

بعد ما دخلنا غرفة المساج، المدلكة جابت لنا لبس زى
المايوه البكينى مغلف فى كيس بلاستيك. ورغم أنها مش بـ تتكلم إنجليزى أو عربى لكن
قدرنا نتفاهم بلغة الإشارة. المدلكة كانت عارفة هى بـ تعمل إيه وكانت بـ تشتغل على
كل المناطق المُجهدة كويس جدًا، أحسن جزء فى الجلسة كان مساج الرأس لكن كان محتاج
وقت أطول شوية.

بعد 60 دقيقة خرافية، رجعنا لموظفة الاستقبال
اللى سألتنا عن رأينا فى التجربة، وعلشان كده كتبنا لهم تعليق على رأينا فى
الموضوع.

خدمات ثانية كثير بـ تُقدم فى المكان، تقدر تدلع نفسك بواحدة
من مستحضرات التجميل الطبيعية (250 جنيه/ 60 دقيقة) أو تجرب جلسة لتنظيف الجسم
مقابل 290 جنيه لمدة 45 دقيقة. منظفات الجسم بـ تكون
أساسية، وفيه اختيارات كثيرة زى جوز الهند أو الفانيليا أو تنظيف برائحة الزنجبيل
المنعش Ginger Salt
Scrub.

علاج ثاني للجسم اسمه بودى سينسيس “Body Senses”
(370
جنيه/ 60 دقيقة). المادة المستخدمة والقطع اللى بـ تتلف على
الجسم كلها من مكونات طبيعية قادمة من آسيا وبـ تستخدم علشان تزيل الخلايا الميتة،
وترطب الجسم، وتوازن أو تحسن من الدورة الدموية.

آخر حاجة لكن مش أقل من اللى فات هى الطقوس. الطقوس دى (150جنيه/ 30 دقيقة) بـ تكون عبارة عن أنك بـ تغطس
فى حمام من الورد والعسل هـ
ينسيك كل مشاكلك وده مستوحى من حمام الحليب المشهورة به الملكة كليوباترا، أو جرب الحمام
الاستوائى بعطر الياسمين والصندل والورد.

كل
علاج من دول له فلسفة معينة ومبنى على أسس علمية. كل المكونات معمولة من عناصر
طبيعية وأصلية قادمة من قارة آسيا. لازم تفهم كل علاج من دول وتختار اللى يناسبك
منهم. ما تنساش تحجز ميعاد قبلها من على الإنترنت أو بالتليفون قبلها بكام يوم.