دليلك الكامل.. أماكن موثوقة لإجراء تحاليل فيروس “كورونا” في القاهرة
coronavirus PCR أماكن إجراء مسحة كورونا إجراء تحاليل فيروس كورونا المعامل المركزية تعمل فين تحاليل كورونا عناوين حميات القاهرة فيروس كورونا المستجد
Mohamed Talaat
“أعمل إيه لو حسيت بأعراض فيروس “كورونا” المستجد “كوفيد – 19″؟”.. ده سؤال بيتردد كتير من مواطنين مصريين في الفترة الأخيرة، وبتبقى الأزمة هي: هل أتوجه لمكان حكومي؟ ولا الأفضل أتوجه لمعمل خاص؟ فريق كايرو 360 تواصل مع الدكتورة نانسي الجندي، رئيس الإدارة المركزية للمعامل المركزية بوزارة الصحة والسكان، علشان نعرف منها الأماكن اللي لازم أتوجه لها فورًا لإجراء تحاليل “كورونا”.
دكتورة نانسي قالت لنا إن أي شخص يحس بأعراض “كورونا” المختلفة، واللي منها السخونية الشديدة، والتهاب الحلق، أو أعراض الإصابة بالبرد الشديد، لازم يهدأ، ويبعد عن أي شخص علشان مايعديهوش، وتنصحكم بعدم الذهاب للمعامل المركزية من نفسكم بهدف إجراء تحليل “بي سي آر”، وبتقول إنه من الأفضل التوجه فورًا لأقرب مستشفى حميات تابعة لوزارة الصحة، وهناك هيتم عرضكم على طبيب مختص هيقوم بتقييم الحالة.
وبحسب الدكتورة نانسي الجندي، فالطبيب المختص في مستشفى الحميات بيقوم بقياس درجة الحرارة للمريض، وبعد الكشف الطبي هو اللي بيحدد ضرورة إجراء الأشعة وتحاليل الدم المطلوبة، وبعدها بيأخذ مسحة من المريض وبيبعتها للمعامل المركزية، لكن ده بيتم فقط في حالة الشك في إن الشخص مصاب بالفعل بفيروس “كوفيد – 19”.
عناوين مستشفيات الحميات في القاهرة الكبرى:
حميات العباسية
العنوان: 1 ش امتداد رمسيس- بجوار المحطة الدولية، ميدان العباسية- رقم التليفون /23425126.
حميات حلوان
العنوان: 11 ش فريد سرحان متفرع من ش فيض حلوان- رقم التليفون /25561530.
حميات إمبابة
العنوان: ش كورنيش النيل إمبابة الجيزة- رقم التليفون /33112430.
والمفروض إن نتيجة التحليل بتخرج خلال 12 ساعة، ونتيجة تحليل مسحة “كورونا” بتخرج حاليًا عبر تطبيق صحة مصر، يعني مش هتكونوا محتاجين تروحوا للمستشفى اللي اتسحبت لكم فيها المسحة تاني.
وتقدروا تحملوا التطبيق من خلال الرابطين التاليين:
لكن لو كنتم بتتابعوا مع طبيب خاص، خارج مستشفيات الحميات، وطلب منكم عمل تحليل “بي سي آر” لفيروس “كورونا، ففي السطور الجاية هنقول لكم على أهم الأماكن الحكومية والمعامل الخاصة الموجودة في القاهرة، اللي ممكن تعملوا فيها تحليل “بي سي آر”:
مستشفى عين شمس التخصصي
هي مستشفى تابعة لجامعة عين شمس، وبيقدموا خدمة التحاليل لفيروس كورونا وشغالين يوميًا من الساعة 11 صباحًا، حتى الساعة 1 ظهرًا، وهما عاملين خدمة متكاملة “كشف استشاري – 7 تحاليل أولية – آشعة مقطعية” وكل ده بسعر 4000 جنيه، ولو احتاجت الحالة لعمل “بي سي آر”، بيكون ثمنه 1500 جنيه وبيتم استلام النتيجة تاني يوم.
وعلشان تحجزوا معاهم أو تعرفوا تفاصيل أكتر اتصلوا على رقم 0109378175.
Drive through
خلينا نقول أن دي أفضل خدمة ممكن تعملوا من خلالها تحليل “بي سي آر”، وهي متوفرة في 3 مناطق، وعلشان تستخدموا الخدمة لازم يكون معاكم عربية، علشان أنتم بتدخلوا بيها وبتتعقم، وبعدها بتتسحب منكم عينة وأنتم في مكانكم بدون ما تنزلوا، وسعر تحليل “بي سي آر” بيكون 2000 جنيه وبيتم تسليم النتيجة خلال 48 ساعة.
وتقدروا تزوروا المستشفيات الميداني يوميًا من الساعة 10 صباحًا حتى 6 مساءً، في العباسية: مستشفى عين شمس الميداني – التجمع الخامس: الجامعة الأمريكية البوابة رقم 2، وكمان موجودين في الشيخ زايد: جامعة النيل محور 26 يوليو، والأولوية لأسبقية الحضور.
وعلشان تعرفوا أكتر تقدروا تتواصلوا معاهم على رقم 19358.
المختبر
هو من أعرق المعامل في مصر، ونتائجه معروف عنها الدقة، وبيعملوا تحليل “بي سي آر” وبتظهر النتيجة في خلال 4 أيام عمل، وسعر المسحة بتكون 3000 جنيه.
وتقدروا تحجزوا التحليل بالمنزل من خلال الاتصال برقم 19014.
أندلسية
مستشفى أندلسية المعادي بتقدم خدمة تحليل “بي سي ىر” من خلال متخصصين والنتيجة بتكون خلال 3 أيام عمل، وكل اللي عليكم أنكم تتصلوا بيهم وتسيبوا بياناتكم وهما بيرجعوا يكلموكم ويحددوا الميعاد المناسب للزيارة المنزلية.
وتقدروا تتواصلوا معاهم من خلال رقم 16781.
غالي ميديكال سنتر
بيعملوا تحليل “بي سي آر” الخاص بفيروس “كورونا” المستجد في المركز بسعر ٣٠٠٠ جنيه، وبيتم استلام النتيجة بعد ٣٦ ساعة، لكن لازم تروحوا بنفسكم مقر المركز لعمل التحليل.
وهما مقرهم في ٣٢ شارع الجولف – المعادي، وتقدروا تحجزوا قبل ما تروحوا على رقم 0223592593.
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
