The Definitive Guide to Living in the Capital , Cairo , Egypt

الصورة الرئيسية: Alonso Reyes

جميل أنك تهتم بنفسك وصحتك وتبقى حريض أنك تكون جميل وفي أجمل صورة، ورائع أنك تتابع نفسك طبيًا بشكل دائم علشان تفضل دائمًا في السليم، ولو كنت من الناس اللي بتهتم بعمل فحوصات دورية علشان تطمئن على نفسها، يبقى مهم تحط في قائمتك أنك تعمل تحليل جديد ومهم اسمه “إنجين”، وعلميًا بيطلق عليه nutrigenomics، وده تحليل خاص بالصحة والجمال والرياضة وغيرها من الأمور اللي بتعتبر لايف ستايل.

في الموضوع ده، هنعرفكم على تفاصيل تحليل “إنجين” وأفضل مكان لعمله.

زي ما قولنا لكم، تحليل “أنجين” اسمه العلمي nutrigenomics أو sportsgenomics، وهو معروف عالميًا وموثق، ومؤخرًا أصبح متاح في مصر لأول مرة، وهو عبارة عن تحليل للجينات الوراثية بيوضح معلومات عن الجسم بشكل مختلف عن التحاليل العادية، وهو بيتعمل مرة واحدة ومن خلاله تقدروا تحصلوا على كتالوج للجسم فيه معلومات مهمة مش بتتغير مدى الحياة.

التحليل فيه أكتر من نوع “أطفال – جراند لياقة بدنية – المرأة والجمال – المراهقين – الحمض النووي الشامل – دايت بلس”، والمعلومات اللي بيقدمها كل تحليل بتكون مختلفة عن الأنواع التانية، ولكن كلهم بيقدموا معلومات عن “التغذية  وكيفية تفاعل الجسم مع العناصر الغذائية والفيتامينات والمعادن وامتصاصهم”، “الرياضة، وبتكون عن المهارات الرياضية زي السرعة والتحمل وفرص الإصابة العضلية”، و”الصحة الجمالية، وده عن أهم عناصر صحة البشرة والشعر وامتصاصهم”.

معمل إنجين اللي بيقدم التحليل ده في مصر هو الأول من نوعه في الشرق الأوسط، ورقم 43 عالميًا ومرخص من وزارة الصحة المصرية، وبيتم عمل التحاليل من خلال الحصول على عينة من باطن الخد من داخل الفم، والتحليل بياخد تقريبًا 3 أسابيع لظهور النتيجة، وبتستلموا كتيب فيه كل ما يتعلق بحياتكم الصحية والجسدية بالكامل.

تقدروا تعرفوا أكتر عن تحليل “إنجين” من خلال موقعهم الإلكتروني من هنا.