The Definitive Guide to Living in the Capital , Cairo , Egypt

بعد ما انتظرنا وقت طويل على نار، أخيرًا موقع البث الحي العملاق "نتفليكس – Netflix" وصل مصر في إطار حملته للتوسع عالميًا، وبـ يقدم خدمة المشاهدة حسب الطلب لكل جمهوره، من وقت ما الناس عرفت أن الخدمة وصلت وظهر سؤال مهم: إزاي خدمة الإنترنت الضعيفة في مصر هـ تتحمل النوع ده من الخدمات، خصوصًا أنها معتمدة على أننا نقدر نشوف اللي نطلبه في الوقت اللي نطلبه؟ طبعًا كلنا عارفين أن عالم الإنترنت معقد، وعلشان كده جمعنا لك قائمة بحاجات أكيد محتاج تعرفها قبل ما تنضم لشبكة نتفليكس.

اتحكم في معدّل استهلاك الداتا لما تتفرج من الموبايل أو التابلت

لو كنت مهتم بمشاهدة نتفليكس على موبايلك أو التابلت، فيه حركة ممكن تعملها تحافظ لك على باقة الإنترنت، كل اللي عليك هو أنك تدخل على نتفليكس من موبايلك أو الكمبيوتر، افتح صفحة "حسابك" واضغط على "إعدادات العرض"، وبعدها "تحكم في جودة العرض" وأخيرًا اختار "إعدادات منخفضة" (وهي عادة بـ تكون 480p).

اتفرج على الأفلام الممنوعة في دولتك

موقع Media Hint بـ يقدم خدمة فتح الأفلام والمسلسلات الممنوعة في دولتك أو منطقتك، الموقع بـ يقدم تجربة مجانية لمدة 7 أيام وبعدها تدفع حوالي 4$ كل شهر، لكل محتوى يتفتح على نتفليكس.

ابحث عن أفلام خارج الصفحات الموصى بها

لو عاوز محتوى أكبر من الموجود على الصفحات اللي بـ يرشحها نتفليكس وتشوف تصنيفات ثانية، ادخل على الرابط ده أو شوف قائمة نتفليكس الكاملة من هنا.

اعرف لو فيه حد بـ يستخدم حسابك ووقفه

لو شكيت أن فيه متطفل بـ يستخدم حسابك على نتفليكس أو فيه حلقات مكتوب عليها أنك شوفتها وده ما حصلش، هـ نقول لك على طريقة لحماية حسابك من الهاكرز: ادخل على صفحة "حسابك" وبعدها "أنشطة المشاهدة" وبعدين اضغط على "شاهد أحدث محاولات دخول الحساب" وبعدين اضغط على "تسجيل خروج من كل الأجهزة" والإجراء ده بـ يحتاج حوالي 3 أيام للتفعيل وتغيير كلمة السر.

تابع تقييم Rotten Tomatoes علشان ترتب أفلامك على نتفليكس

لو محتار تشوف مين من الأفلام الأول على نتفليكس، موقع Rotten Tomatoes لتقييم الأفلام عامل نظام تقييم اسمه Tomatometer بـ يرتب الأفلام حسب آراء النقاد والمشاهدين، Rotten Tomatoes عامل نظام تقييم لخدمة طلب أفلام نتفليكس.

استخدم Nenhancer لأفضل تجربة مشاهدة على نتفليكس

خدمة Nenhancer هي إضافة هايلة لتحسين تجربة مشاهدتك على نتفليكس لأنها بـ توفر لك كل المعلومات عن الأفلام وتريلاراتها وتقييمهم على موقع IMDB، الإصدار القديم من Nenhancer موجود مجانًا على الرابط ده أو تقدر تشتري الإصدار الجديد وسعره 1$ من على موقع نتفليكس.

اختصارات لوحة المفاتيح

لو كنت ناوى تقضي وقتك على نتفليكس بالساعات، أكيد هـ تحتاج تعرف شوية اختصارات للوحة المفاتيح تساعدك وتريحك: اضغط F علشان تكبر الشاشة، Shift + السهم الشمال لإعادة العرض، Shift + السهم اليمين لعرض الفيديو بسرعة، السهم فوق/ تحت لزيادة وتقليل الصوت، Enter للتشغيل والإيقاف وأخيرًا ESC لإلغاء خاصية تكبير الشاشة.

تعرف على الإصدارات الجديدة

ادخل على صفحة نتفليكس الشرق الأوسط أو صفحة What's on Netflix الجماهيرية أو صفحة What's on Netflix علشان تعرف معلومات أكثر عن أحدث أفلام ومسلسلات والأفلام الوثائقية على نتفليكس.

الحق أفلام نتفليكس قبل رفعها

موقع The Now Streaming Pod بـ يقدم العروض المرفوعة من نتفليكس كل أسبوع.

اتفرج من اختيار غيرك

لو مافيش حاجة معينة في دماغك عاوز تتفرج عليها، تقدر تجرب Netflix Roulette وهو موقع بـ يتيح لناس ثانية تختار لك الأفلام.

مشاهدة سعيدة!