ضحية من ضحايا “رامز تحت الأرض”: كنت عارفة أنه مقلب قبل التصوير
Cairo 360
كل سنة برنامج “رامز تحت الأرض” اللي بتعرضه قناة إم بي سي مصر بيتسبب في جدل كبير، وزي ما مدير أعمال “شاروخان” أكد من كام يوم ان المقلب كان متفق عليه.. حصلت حاجة جديدة بتشرح كواليس تصوير البرنامج.
الفنانة الكويتية منى شداد قالت في برنامج “حليمة زاد”، اللي بتقدمه الإعلامية الكويتية حليمة بولند، أنها كانت عارفة تفاصيل مقلب رامز جلال قبل تصويره. لكن مش معنى كده أن البرنامج مفبرك. هي أكدت أن المقلب حقيقي لكنها عرفت بطريقتها الخاصة.
منى شداد قالت إن الإعلامي اللبناني نيشان كلمها في التليفون، وطلب منها تصوير برنامج معاه، ووقتها ماكانتش تعرف أن نيشان هو الوسيلة اللي بيستخدمها رامز علشان يجيب النجوم للبرنامج السنة دي.
وكملت كلامها: “لما وصلت إلى أبو ظبي، سمعت أخبار عن كشف طوني خليفة عن مقلب رامز جلال السنة دي، وتعاون نيشان معاه، فكلمت معدة من اللي شغالين في البرنامج، وسألتها لو كان البرنامج بالفعل مقلب”.
معدة البرنامج قالت لمنى شداد أنه مقلب وكشفت لها عن فكرة البرنامج.
