Mohammed Sabry
زي ما الأفلام لها جمهور كبير في كل العالم، المسلسلات برضه لها نفس الحجم إذا ماكنش أكتر. بما إن المشاهد مش محتاج يروح سينما علشان يشوفها. 2019 اتعرض فيها مسلسلات كتيرة من شبكات مختلفة، زي نتفليكس وHBO وCinemax وغيرهم. ونالت إعجاب المشاهدين بشكل كبير. بس 2019 لسه ماخلصتش، وبالتالي لسه في مسلسلات تانية جاية في الطريق. تعالوا نتعرف عليها في السطور اللي تحت:
Godfather of Harlem
بيدور عن رجل العصابات “بمبي جونسون”، اللي بيسيطر على عالم الجريمة في هارلم خلال فترة الستينات. وهيعرض اللي حصل قبل أحداث فيلم “American Gangster” في 2007. اللي كان بيدور عن رجل العصابات الشهير “فرانك لوكاس”.
المسلسل إنتاج Epix وهيتعرض 29 سبتمبر.
Carnival Row
عالم خيالي بتعيش فيه كائنات أسطورية في سلام. لحد ما يتعرضوا لغزو البشر، اللي بيهددوا أمنهم و حياتهم. والخطر بيزيد لما واحد من البشر يقع في حب واحدة من الكائنات دي.
المسسل إنتاح Amazon وهيتعرض 30 أغسطس.
The Dark Crystal: Age of Resistance
بعد ما يرجعوا لعالم “ثرا” الخيالي، 3 من كائنات الـ “جيلفلينج” بيكتشفوا الحقيقة المرعبة، لقوى شريرة بتهدد عالمهم. فبيجهزوا للثورة والمقاومة بكل قوتهم، علشان ينقذوا حياتهم.
المسلسل إنتاج Netflix وهيتعرض 30 أغسطس.
Watchmen
بيدور عن عالم عايش فيه السوبر هيروز، بس المختلف إنهم مجرمين وخارجين عن القانون. مش بيدافعوا عن الناس زي ما إحنا ماتعودين.
المسلسل إنتاج HBO ولسه ماتحددش ميعاد العرض.
His Dark Materials
“لايرا” طفلة يتيمة عايشة مع المدرسين جوة حرم الجامعة. بتبدأ تدور على صديقها اللي اختفى فجأة. وخلال بحثها بتكتشف أسرار عن عمليات خطف كتيرة حصلت، وأسرار خطيرة تخص بعض المدرسين. ده بيدخلها في رحلة خطيرة كلها مغامرات
المسلسل إنتاج BBC One ولسه ماتحددش ميعاد العرض.
Batwoman
الجرائم سيطرت على مدينة جوثام. والمرة دي اللي هينقذ أهلها ويحافظ على العدالة هي “كيت كين – بات وومان”.
المسلسل إنتاج CW وهيتعرض 6 أكتوبر.
The Mandalorian
بيدور في عالم Star Wars، بعد سقوط الإمبراطورية وقبل ظهور الـ First Order. وبنشوف فيه مواجهات صعبة وخطيرة لمحارب واحد، في جزء من المجرة بعيد عن سيطرة الجمهورية الجديدة.
المسلسل إنتاج Disney وهيتعرض 12 نوفمبر.
المصادر:
موقع: IMDb
موقع: Metacritic
مقترح
الحياة في كايرو
مطاعم من الزمن الجميل.. جولة في أماكن بتجمع بين التاريخ والطعم المميز
أقدم مطاعم القاهرة أهم مطعم في القاهرة +2
الحياة في كايرو
