خريطة مسلسلات الـ30 حلقة في رمضان 2025 ..القائمة الكاملة وأماكن العرض!
دراما رمضان دراما شعبية قنوات عرض المسلسلات مسلسلات 30 حلقة مسلسلات أكشن مسلسلات جديدة رمضان 2025 مسلسلات رمضان 2025 مسلسلات كوميدية مواعيد عرض المسلسلات نجوم رمضان
Cairo 360
الصورة الرئيسية: Stephen Monterroso
أيام قليلة تفصلنا عن بداية موسم مسلسلات رمضان 2025، اللي واضح من دلوقتي إنه هيكون واحد من أقوى المواسم الدرامية في السنين الأخيرة! السنة دي عندنا توليفة مشوقة من الأكشن، الكوميديا، الدراما الشعبية والصعيدية، غير المسلسلات القصيرة اللي بقت موضة جديدة بتزود جرعة التشويق.
علشان تبقى عارف كل التفاصيل، جمعنالك قائمة بأهم مسلسلات الـ30 حلقة، وأماكن عرضها، عشان ماتفوتش ولا لحظة من دراما رمضان!
“فهد البطل”.. رحلة هروب وصراعات في قلب القاهرة
النجم أحمد العوضي بيرجع في رمضان 2025 بمسلسل “فهد البطل”، اللي بيجمع بين الأكشن والدراما الصعيدية. العوضي بيجسد شخصية “فهد” اللي بيهرب من قريته بسبب الظلم، لكنه بيواجه تحديات أكبر لما بيوصل القاهرة.
أماكن العرض: ON – الحياة – watch it – viu.
“سيد الناس”.. صراع المال والسلطة
عمرو سعد بيقدم “سيد الناس”، دراما شعبية بتدور حول جارحي اللي بتتقلب حياته بعد وفاة والده، وبيلاقي نفسه قدام ماضي غامض وثروة ضخمة وأعداء شرسين.
أماكن العرض: mbc مصر – mbc دراما – mbc العراق – شاهد.
“حكيم باشا”.. لعنة العائلة وأسرار الماضي
مصطفى شعبان بيقدم مسلسل “حكيم باشا”، اللي بيتكلم عن صراعات داخل عائلة تاجرت في آثار الأجداد، لحد ما الطمع يهدد مصيرهم.
أماكن العرض: CBC – الحياة – Watch It.
“المداح – أسطورة العهد”.. المواجهة مستمرة مع الجن!
حمادة هلال بيرجع بجزء جديد من “المداح”، وبيكمل صابر معاركه مع الجن في رحلة مشوقة مليانة أحداث غير متوقعة.
أماكن العرض: mbc مصر – شاهد.
“العتاولة 2”.. خيانة ودماء بين الأشقاء
طارق لطفي وأحمد السقا بيكملوا المواجهة في “العتاولة 2″، حيث يستمر صراع الشقيقين اللي ورثوا حياة الجريمة من والدهم.
أماكن العرض: mbc مصر – شاهد.
“وتقابل حبيب”.. ياسمين عبدالعزيز في مواجهة الحب والخيانة
ياسمين عبدالعزيز بتقدم قصة درامية عن امرأة ثرية بتكتشف خيانة زوجها، فتنفصل عنه وتدخل في علاقة جديدة تورطها في صراعات غير متوقعة.
أماكن العرض: dmc – watch it – شاهد.
“شهادة معاملة أطفال”.. هنيدي في مغامرة زمنية مجنونة!
محمد هنيدي بيقدم مسلسل كوميدي عن محامي بيدخل في غيبوبة 20 سنة، وبيصحى في عالم مختلف تمامًا!
أماكن العرض: dmc – CBC – watch it.
“إش إش”.. مي عمر راقصة مش سهلة!
مي عمر بتلعب دور راقصة بتواجه تحديات صعبة، مع رجل قوي بيحاول استغلالها لكنها بتقلب الطاولة عليه.
أماكن العرض: mbc مصر – mbc دراما – شاهد.
“الحلانجي”.. محمد رجب وصراع البقاء
محمد رجب بيخوض السباق الرمضاني بـ”الحلانجي”، في دراما اجتماعية عن شخص بيواجه مشاكل كبيرة للحفاظ على أسرته.
أماكن العرض: النهار – viu.
مقترح
تسوق
5 براندات شوكولاتة مصرية هتحلي العيد.. جودة عالية وأسعار مناسبة!
أسعار الشوكولاتة أفضل شوكولاتة مصرية +8
تسوق
5 أماكن تجيب منهم أحلى رنجة لعيد الفطر 2025!
أسماك مملحة أفضل أماكن شراء الرنجة في القاهرة +8
الحياة في كايرو
دليلك لأحلى حفلات وفعاليات عيد الفطر 2025! (محدث)
أحمد حلمي احتفالات العيد +16
كافيهات