The Definitive Guide to Living in the Capital , Cairo , Egypt

“حلاوة
شمسنا” من البرامج الجديدة على قناة النهار الفضائية، بـ يقدمه الفنان ماجد
الكدواني ويخرجه فيصل شمس وهو من إنتاج قناة النهار وبـ يهدف إلى تقويم السلبيات
اللي بـ يعاني منها المجتمع المصري خاصة لدي أصحاب المهن الحرة بشكل عام، إلى جانب
العادات اللي بـ يتصرفها البعض وبـ يعتبروها أنها شيء جيد.

من الحاجات الحلوة في البرنامج التتر، معبر جدًا من حيث
الجرافيك والموسيقى التصويرية، إلى جانب أنه في كل حلقة بـ يكون له شعار أو عنوان
حول موضوع الحلقة، وبعد كده يقدم الكدواني الموضوع في شكل سهل وبسيط قريب من رجل
الشارع ويعقبه تقرير مصور عن موضوع الحلقة علشان يعرف رأي الناس عن نفس الموضوع.

ويستضيف الكدواني واحد من الشخصيات العادية في المجتمع حسب
طبيعة الموضوع زي مثلا استضافته لأحد السباكين علشان يتكلم عن مدى إتقانه في عمله
وهل بـ يكمله على أحسن وجه ولا كل اللي بـ يشغله هو الحصول على المال فقط تحت
مفهوم الفهلوة وهل المعنى ده بـ يقودنا إلى بعض عمليات النصب ولا لأ.

وغير كده اهتم بـ نقد بعض السلوكيات زي مثلاً التقليد والانسياق
الأعمي تجاه بعض العادات، يعني لو حد عمل محل كشري كل اللى في الشارع يفتحوا زيه،
وبرضه لو ظهرت موضة جديدة يبدأ الناس يقلدوها من غير كما يشوفوا إذا كانت هـ تناسبهم
ولا لأ.

ديكور البرنامج ملائم جدًا لطبيعة الموضوعات اللي بـ يقدمها،
وكأننا داخل كل بيت مصري، وكمان بـ يهتم البرنامج بفكرة تربية الخبرات منذ الصغر علشان
تساعد على ظهور أجيال  قادرة على اتخاذ
القرار بنفسها، ويكونوا قادرين على مواجهة الحياة بشكل جيد، ومع كل ده يتخلل
البرنامج مجموعة من الإعلانات المختلفة.

ورغم جمال البرنامج إلا أنه ينقصه المشاركات الفعلية من
الجمهور من خلال الاتصالات التليفونية أو الإنترنت، إلى جانب وجود السطحية في بعض
الموضوعات اللي بـ يتناولها، كما أنه لا يستضيف أكثر من ضيف لعرض وجهات النظر المختلفة
في الموضوع اللي بـ يطرحه. إلى جانب أن بعض الضيوف بـ يكونوا غير قادرين على
الحديث بشكل جيد في موضوع الحلقة، وأحيانًا بـ يستضيفوا نماذج سلبية لا يصح أن تُقدم
كنموذج للمجتمع بدلاً من تقديم القدوة الصالحة في المجتمع علشان يقتضي بها الشباب.